അടിമാലി:വ്യാപാരി വ്യവസായിഏകോപനസമിതി ജില്ലാ കമ്മിറ്റിയുടെ നേതൃത്വത്തിൽ രൂപീകരിച്ച ഡിസ്ട്രിക്ട് ട്രെയ്‌ഡേഴ്സ് വെൽഫെയർ സൊസൈറ്റിയുടെ മുന്നാമത് വാർഷിക പൊതുയോഗം ഇന്ന് രാവിലെ 11 ന്അടിമാലി ക്ലബ്ബ് ഓഡിറ്റോറിയത്തിൽ നടക്കുമെന്ന് ഭാരവാഹികൾ അറിയിച്ചു. സംഘടനയുടെ കീഴിലുള്ള അംഗങ്ങൾക്ക് രോഗബാധയെത്തുടർന്നോ അപകടം മൂലമോ സംഭവിക്കാവുന്ന ചികിത്സാ ചെലവു കൾക്കും, മരണം മൂലമുണ്ടാകുന്ന സാമ്പത്തിക പ്രശ്നങ്ങൾക്കും കൈത്താങ്ങാകുന്നതിനു വേണ്ടിയാണ് വെൽഫെയർസൊസൈറ്റി പ്രവർത്തനമാരംഭിച്ചതെന്ന് ജില്ല പ്രസിഡന്റ് സണ്ണി പൈമ്പിള്ളി പറഞ്ഞു.ചെയർമാൻ ഡയസ് ജോസ് അദ്ധ്യക്ഷത വഹിക്കുന്ന യോഗം വ്യാപാരി വ്യവസായി ഏകോപന സമിതി ജില്ലാ പ്രസിഡന്റ് സണ്ണി പൈമ്പിള്ളി ൽ ഉദ്ഘാടനം ചെയ്യും . മരണപ്പെട്ട 10 അംഗങ്ങളുടെ അവകാശികൾക്ക് 6.5 ലക്ഷം രൂപയുടെ കുടുംബ സുരക്ഷാ നിധി ജില്ല പൊലീസ് ചീഫ് കെ. എം സാബു മാത്യു വിതരണം ചെയ്യും.വൈസ് ചെയർമാൻ കെ. ആർ വിനോദ്, സെക്രട്ടറി തങ്കച്ചൻ കോട്ടയ്ക്കകം, ട്രഷറർ സിബി കൊച്ചുവള്ളാട്ട്, ജില്ലാ ജനറൽ സെക്രട്ടറി ഹാജി നജീബ് ഇല്ലത്തുപറമ്പിൽ, ആർ രമേശ്, വിഎസ് ബിജു എന്നിവർ യോഗത്തിൽ സംസാരിക്കുന്നതാണ് ജില്ലയിലെ ഏതാനം ആശുപത്രികളിൽ സൊസൈറ്റി അംഗങ്ങൾക്കുള്ള ചികിത്സ ഡിസ്‌കൗണ്ട് പദ്ധതിയുടെ ധാരണ പത്രം ആശുപത്രി അധികൃതർ സൊസൈറ്റി ചെയർമാൻ ഡയസ് ജോസിന് കൈമാറും.