കട്ടപ്പന : വെട്ടിക്കുഴക്കവല കളരിപ്പടിയിൽ നിയന്ത്രണം നഷ്ടപ്പെട്ട ബൊലേറോ ജീപ്പ് മറിഞ്ഞ് അപകടം. വാഹനമോടിച്ചിരുന്ന ഇരട്ടയാർ സ്വദേശിയെ പരിക്കുകളോടെ കട്ടപ്പനയിലെ സ്വകാര്യ ആശുപത്രിയിൽ പ്രവേശിപ്പിച്ചു. വെള്ളിയാഴ്ച രാത്രി ഒമ്പതോടെയായിരുന്നു അപകടം. കട്ടപ്പനയിൽ നിന്ന് ഇരട്ടയാർ ഭാഗത്തേക്കുപോയ ബോലേറോ വെട്ടിക്കുഴക്കവല കളരിപ്പടിയിൽ നിയന്ത്രണം നഷ്ടപ്പെട്ട് ഡസ്റ്റർ കാറിലിടിച്ച ശേഷം സമീപത്തെ വീട്ടുമുറ്റത്തേക്ക് മറിയുകയായിരുന്നു. വാഹനത്തിൽ കുടുങ്ങിയ ഡ്രൈവറെ പ്രദേശവാസികൾ പുറത്തെടുത്ത് കട്ടപ്പനയിലെ സ്വകാര്യ ആശുപത്രിയിലെത്തിച്ചു. പൊലീസ് സ്ഥലത്തെത്തി മേൽനടപടികൾ സ്വീകരിച്ചു. അമിതവേഗതയും അശ്രദ്ധയും മൂലം നിരവധി അപകടങ്ങളാണ് ഈ ഭാഗത്ത് ഉണ്ടാകുന്നത്.