ഇടുക്കി: സംസ്ഥാനത്തെ വിവിധ ജില്ലകളിൽ പട്ടികവർഗ വികസനവകുപ്പിന്റെ കീഴിൽ പ്രവർത്തിച്ചു വരുന്ന ഐ.റ്റി.ഡി.പി ഓഫീസുകൾ/ട്രൈബൽ ഡെവലപ്പ്‌മെന്റ് ഓഫീസുകളുടെ കീഴിൽ നിലവിലുളള പട്ടികവർഗ പ്രൊമോട്ടർ/ഹെൽത്ത് പ്രൊമോട്ടർമാർമാരുടെ 1182 ഒഴിവുകളിലേക്ക് താൽക്കാലിക നിയമനത്തിന് പട്ടികവർഗ വിഭാഗത്തിൽപ്പെട്ടവരിൽ നിന്നും അപേക്ഷ ക്ഷണിച്ചു.വിവിധ ക്ഷേമ വികസന പദ്ധതികൾ സംബന്ധിച്ച വിവരങ്ങൾ പട്ടികവർഗ വിഭാഗക്കാരിൽ എത്തിക്കുക, സർക്കാരിന്റെ വിവിധ വകുപ്പുകൾ, ഏജൻസികൾ തുടങ്ങിയവ നടത്തുന്ന വിവിധ ക്ഷേമപ്രവർത്തനങ്ങൾ പട്ടികവർഗ ഗുണഭോക്താക്കളിൽ എത്തിക്കുക, വിവിധ സർക്കാർ ആശുപത്രികളിൽ ചികിത്സ തേടിയെത്തുന്ന പട്ടികവർഗക്കാർക്ക് ചികിത്സ ഉറപ്പ് വരുത്തുക തുടങ്ങിയ പ്രവർത്തനങ്ങൾക്കായി സേവന സന്നദ്ധതയുളളവരും 10-ാം ക്ലാസ്സ് വിദ്യാഭ്യാസ യോഗ്യതയുളളവരുമായ പട്ടികവർഗ യുവതീ - യുവാക്കൾക്ക് അപേക്ഷിക്കാം. പ്രായപരിധി 20 നും 40 നും ഇടയിൽ . ഹെൽത്ത് പ്രൊമോട്ടർമാരായി പരിഗണിക്കപ്പെടുന്നവർക്ക് നഴ്സിംഗ്, പാരാമെഡിക്കൽ കോഴ്സുകൾ പഠിച്ചവർക്കും ആയുർവ്വേദം/പാരമ്പര്യവൈദ്യം എന്നിവയിൽ പ്രാവീണ്യം നേടിയവർക്കും മുൻഗണന നൽകും. നിശ്ചിത മാതൃകയിലുളള അപേക്ഷ അതത് ജില്ലകളിലെ പ്രൊജക്ട് ഓഫീസ്/ട്രൈബൽ ഡെവലപ്പ്‌മെന്റ് ഓഫീസ് മുഖേന സമർപ്പിക്കേണ്ടതാണ്. അപേക്ഷ സമർപ്പിക്കുമ്പോൾ അപേക്ഷകരുടെ താമസ പരിധിയിൽപ്പെട്ട ട്രൈബൽ എക്സ്റ്റൻഷൻ ഓഫീസ് തെരഞ്ഞെടുക്കേണ്ടതാണ്.അപേക്ഷ സമർപ്പിക്കുന്നതിനുളള അവസാന തീയതി 25ന് വൈകിട്ട് 4 വരെ. കൂടുതൽ വിവരങ്ങൾക്ക് അതത് പ്രൊജക്ട് ഓഫീസിലോ/ട്രൈബൽ ഡെവലപ്പ്‌മെന്റ് ഓഫീസിലോ/ട്രൈബൽ എക്സ്റ്റൻഷൻ ഓഫീസിലോ/പട്ടികവർഗ വികസന ഡയറക്ടർ ഓഫീസിലോ ബന്ധപ്പെടാം. ഫോൺ: 0471- 2304594/1800 425 2312, 04864 -224399