അടിമാലി: വെള്ളത്തൂവൽ ഗവ. ഹൈസ്‌കൂളിലേക്കുള്ള നടപ്പാതയുടെ വശങ്ങളിലെ പൊന്തക്കാട് വെട്ടിനീക്കാൻ നടപടി വേണമെന്നാവശ്യം.സ്‌കൂളിലേക്കുള്ള നൂറുകണക്കിന് വിദ്യാർത്ഥികൾ ദിവസവും യാത്ര ചെയ്യുന്ന നടപ്പാതയുടെ ഓരത്താകെ വലിയ തോതിൽ പൊന്തക്കാട് വളർന്ന് നിൽക്കുന്നതാണ് പരാതിക്ക് ഇടവരുത്തിയിട്ടുള്ളത്.ഹൈസ്‌ക്കൂളിന് പുറമെ എൽ പി, യു പി വിഭാഗങ്ങളിലെ കുട്ടികളും ഈ പാതയിലൂടെയാണ് സഞ്ചരിക്കുന്നത്.പാതയോരമാകെ കാട് കയറി മൂടിയതോടെ വിഷജന്തുക്കളുടെ സാന്നിദ്ധ്യം വർദ്ധിച്ചിട്ടുള്ളത് അപകട സാധ്യത ഉയർത്തുന്നു.ദിവസവും നൂറുകണക്കിന് വിദ്യാർത്ഥികൾ സഞ്ചരിക്കുന്ന ഈ പാതയിലെ പൊന്തക്കാടുകൾ വെട്ടിനീക്കണമെന്ന് കേരള യൂത്ത് ഫ്രണ്ട് (ബി ) ജില്ലാ പ്രസിഡന്റ് സിബി വെള്ളത്തൂവൽ ആവശ്യപ്പെട്ടു.വർഷങ്ങൾക്ക് മുമ്പ് പ്രദേശത്ത് നിർമ്മിച്ച നിരവധി കെ .എസ്. ഇ .ബി കേട്ടേഴ്സ് കെട്ടിടങ്ങളും ഉപയോഗമില്ലാതെ കാട് കയറി നശിക്കുന്നുണ്ട്.ഈ പ്രദേശമാകെ കാട് കയറി കിടക്കുന്നത് ഇഴ ജന്തുക്കളുടെ സാന്നിധ്യം വർദ്ധിക്കാൻ ഇടയാക്കുന്നുവെന്നും പരാതിയുണ്ട്.