അടിമാലി: കേരള ശാസ്ത്ര സാഹിത്യ പരിഷത്ത് 63-ാമത് സംസ്ഥാന വാർഷിക സമ്മേളനം ഫെബ്രുവരി 28, മാർച്ച് ഒന്ന് തീയതികളിൽ അടിമാലിയിൽ നടക്കുന്നതിന്റെ ഭാഗമായി സംഘാടക സമിതി രൂപീകരിച്ചു. ചെറുകിട തൊഴിലാളി ക്ഷേമനിധി ബോർഡ് ചെയർമാൻ പി.എസ്. രാജൻ വിഭവസമാഹരണത്തിന്റെ ഭാഗമായി തയ്യാറാക്കിയ ചുമർകുടുക്കയുടെ വിതരണോദ്ഘാടനം നിർവ്വഹിച്ചു. പരിഷത്ത് സംസ്ഥാന ജനറൽ സെക്രട്ടറി പി.വി. ദിവാകരൻ സമ്മേളന പരിപാടികൾ വിശദീകരിച്ചു. ടി.കെ. ഷാജി, ചാണ്ടി. പി. അലക്സാണ്ടർ, കോയ അമ്പാട്ട്, അഡ്വ. ടി.കെ. മനോജ്, ജോൺ സി. ഐസക് എന്നിവർ സംസാരിച്ചു. അഡ്വ. എ. രാജ എം.എൽ.എ ചെയർമാനും വി.വി. ഷാജി ജനറൽ കൺവീനറും കെ.എൻ. രാധാകൃഷ്ണൻ, ശശിലേഖ രാഘവൻ, എൻ.ഡി. തങ്കച്ചൻ കൺവീനർമാരായിട്ടുള്ള സംഘാടക സമിതിയും വിവിധ സബ് കമ്മിറ്റികളും 251 അംഗ ജനറൽ കമ്മറ്റിയും രൂപീകരിച്ചു. സംസ്ഥാന പ്രസിഡന്റ് ടി.കെ. മീരാഭായിയുടെ അദ്ധ്യക്ഷതയിൽ കൂടിയ യോഗത്തിന് ജില്ലാ സെക്രട്ടറി കെ.എൻ. രാധാകൃഷ്ണൻ സ്വാഗതവും കെ.വി. ജോയ് നന്ദിയും പറഞ്ഞു.