എൻഡോസൾഫാൻ ദുരിത ബാധിതർക്ക് സ്‌പെഷ്യാലിറ്റി സെന്റർ
കാസർകോട്: കാസർകോടിന്റെ ആരോഗ്യ മേഖലയ്ക്ക് ഇത് ചരിത്ര നിമിഷമാണെന്ന് ആരോഗ്യം, വനിതാ ശിശു വികസന വകുപ്പ് മന്ത്രി വീണാ ജോർജ്ജ്. ഉക്കിനടുക്കയിലെ കാസർകോട് ഗവ. മെഡിക്കൽ കോളേജിൽ പുതിയതായി ആരംഭിച്ച എം.ബി.ബി.എസ് കോഴ്സ് ഉദ്ഘാടനം ചെയ്യുകയായിരുന്നു മന്ത്രി.
കാസർകോട് സർക്കാർ മെഡിക്കൽ കോളേജ് ആശുപത്രി ഒരു ബ്ലോക്ക് നാല് മാസത്തിനുള്ളിൽ ആരംഭിക്കുമെന്നും സർക്കാർ മെഡിക്കൽ കോളേജിൽ എൻഡോസൾഫാൻ ദുരിത ബാധിതർക്ക് വേണ്ടി കേരളത്തിൽ ഏറ്റവും മികച്ച സ്‌പെഷ്യാലിറ്റി സെന്റർ തുടങ്ങുമെന്നും മന്ത്രി പറഞ്ഞു. സ്‌പെഷ്യാലിറ്റി സെന്ററിൽ ഫിസിയോതെറാപ്പി, ഒക്കുപേഷണൽ തെറാപ്പി സൗകര്യങ്ങൾ കൂടി ഒരുക്കും.
ജില്ലാ ആശുപത്രിയിൽ ആരംഭിച്ച കാത്ത് ലാബിൽ ഇതുവരെ 1837 പ്രൊസീജ്യറുകൾ നടന്നു എന്നത് വളരെ സന്തോഷം നൽകുന്നുണ്ട്. വൈകാതെ സംസ്ഥാനത്തെ മുഴുവൻ ജില്ലകളിലും കാത്ത് ലാബ് സൗകര്യം ഒരുക്കും. മന്ത്രി പറഞ്ഞു. എൻ.എ. നെല്ലിക്കുന്ന് എം.എൽ.എ അദ്ധ്യക്ഷത വഹിച്ചു. രാജ് മോഹൻ എം.പി മുഖ്യാതിഥിയായി. മെഡിക്കൽ വിദ്യാഭ്യാസ ഡയറക്ടർ കെ.വി. വിശ്വനാഥൻ റിപ്പോർട്ട് അവതരിപ്പിച്ചു. എം.എൽ.എമാരായ സി.എച്ച് കുഞ്ഞമ്പു , എ.കെ.എം.അഷ്റഫ്, ജില്ലാ പഞ്ചായത്ത് വൈസ് പ്രസിഡന്റ് ഷാനവാസ് പദൂർ, കെ.ഡി.പി സ്‌പെഷ്യൽ ഓഫീസർ വി. ചന്ദ്രൻ, ബദിയടുക്ക പഞ്ചായത്ത് വൈസ് പ്രസിഡന്റ് അബ്ബാസ്, എൻമകജെ പഞ്ചായത്ത് പ്രസിഡന്റ് ജെ.എസ്. സോമശേഖര, വാർഡ് മെമ്പർ ജ്യോതി, നിർമിതി കേന്ദ്രം മാനേജിംഗ് ഡയറക്ടർ രാജ് മോഹൻ, കാസർകോട് ഡി.എം.ഒ ഡോ.എ.വി രാംദാസ്, ഡെപ്യൂട്ടി ഡി.എം.ഒ ബി. സന്തോഷ്, എൻ.എച്ച്.എം ജില്ലാ പ്രോഗ്രാം മാനേജർ ഡോ. അരുൺ, ജനറൽ ആശുപത്രി സൂപ്രണ്ട് എം.ശ്രീകുമാർ, മെഡിക്കൽ കോളേജ് സൂപ്രണ്ട് ആർ.പ്രവീൺ, കാസർകോട് മെഡിക്കൽ കോളേജ് പി.ടി.എ. സെക്രട്ടറി പി. ശാലിനി കൃഷ്ണൻ, നഴ്സിംഗ് കോളേജ് പ്രിൻസിപ്പൽ പി.എസ്. ശോഭ, സ്റ്റാഫ് കൗൺസിൽ സെക്രട്ടറി ഹരിഹരൻ നായർ, രാഷ്ട്രീയ പാർട്ടി പ്രതിനിധികൾ, കിറ്റ്‌കോ കൺസൾട്ടന്റ് ജോസ് ടോം, യു.എൽ.സി.സി.എൽ ഡയറക്ടർ പി. സുരേഷ്, കെ.എസ്.ഇ.ബി. ഡെപ്യൂട്ടി ചീഫ് എൻജിനീയർ മുഹമ്മദ് സയ്യിദ്, പി.ഡബ്ല്യു.ഡി. എക്സിക്യൂട്ടീവ് എൻജിനീയർ എം.ജഗദീഷ്, കെട്ടിട വകുപ്പ് എക്സിക്യൂട്ടീവ് എൻജിനീയർ എ.വി. പ്രകാശൻ, കുടുംബശ്രീ ജില്ലാ കോർഡിനേറ്റർ രതീഷ് പിലിക്കോട് പങ്കെടുത്തു. ജില്ലാ കളക്ടർ കെ. ഇമ്പശേഖർ സ്വാഗതവും ഗവ: മെഡിക്കൽ കോളേജ് പ്രിൻസിപ്പൽ പി.എസ് ഇന്ദു നന്ദിയും പറഞ്ഞു. ആദ്യ ബാച്ചിൽ 40പേരാണ് ഇതുവരെ പ്രവേശനം നേടിയത്. പാണത്തൂർ സ്വദേശി അഷിക രാജ് എ.ആർ കൂടി ഇടം പിടിച്ചു.