കോട്ടയം : വന്യജീവി ആക്രമണം തടയുന്നതിന് ഫലപ്രദമായ നടപടികൾ സ്വീകരിക്കണമെന്നാവശ്യപ്പെട്ട് വെള്ളരിക്കുണ്ടിൽ നടന്നുവരുന്ന കർഷക സ്വരാജ് സത്യഗ്രഹത്തിന് ഐക്യദാർഢ്യവുമായി നാളെ രാവിലെ പതിനൊന്നിന് കളക്ടറേറ്റിന് മുന്നിൽ ധർണ നടക്കും. കേരളത്തിലെ എല്ലാ ജില്ലകളിലും സമരത്തിന് ഐക്യദാർഢ്യം പ്രകടിപ്പിച്ചുകൊണ്ട് കർഷകരും സാമൂഹ്യ സംഘടനകളും പരിസ്ഥിതി പ്രവർത്തകരും രംഗത്തുണ്ട്. ധർണ വ്യാപാരി വ്യവസായി ഏകോപന സമിതി ജില്ലാ സെക്രട്ടറി ടോമിച്ചൻ അയ്യരുകുളങ്ങര ഉദ്ഘാടനം ചെയ്യും. അഡ്വ.ജോസുകുട്ടി മാത്യു, ബേബി പേണ്ടാനം, രാജു, ജോയി പോത്തനാമലയിൽ, ബി.മുരളീധരൻ, ജോസ്, അഡ്വ.ജോർജുകുട്ടി കടപ്ലാക്കൽ, അഡ്വ.അനീഷ് ലൂക്കോസ് തുടങ്ങിയവർ പങ്കെടുക്കും.