മറ്റക്കര: അയിരൂർ ശ്രീമഹാദേവ ക്ഷേത്രത്തിലെ 14ാമത് സപ്താഹ യജ്ഞം 13 മുതൽ 20 വരെ നടക്കും. പി.കെ വ്യാസൻ അമനകരയാണ് യജ്ഞാചാര്യൻ. 13ന് വൈകിട്ട് 6.45ന് കോട്ടയം മെഡിക്കൽ കോളേജ് സൂപ്രണ്ട് ഡോ.ടി.കെ ജയകുമാർ സപ്താഹത്തിന് ഭദ്രദീപം തെളിയിക്കും. തുടർന്ന് യജ്ഞാചാര്യൻ ഭാഗവത മഹാത്മ്യപ്രഭാഷണം നടത്തും. യജ്ഞശാലയിൽ 14 മുതൽ രാവിലെ 6.30ന് വിഷ്ണു സഹസ്രനാമജപം, ഭാഗവതപൂജ, 7 മുതൽ ഭാഗവത പാരായണം, ഉച്ചയ്ക്ക് 12ന് പ്രഭാഷണം, 1ന് അമൃതഭോജനം പ്രസാദമൂട്ട്, 2 മുതൽ ഭാഗവതപാരായണം തുടർച്ച, വൈകിട്ട് 6ന് ലളിതാസഹസ്രനാമജപം, 7 മുതൽ നാമജപം,ഭജന, പ്രഭാഷണം. 14ന് വരാഹാവതാരം, 15ന് അജാമിള മോക്ഷം, നരസിംഹാവതാരം, ശ്രീരാമാവതാരം എന്നീ ഭാഗങ്ങൾ പാരായണം ചെയ്യും. 16ന് ശ്രീകൃഷ്ണാവതാരവും ഉച്ചയ്ക്ക് 11ന് ഉണ്ണിയൂട്ട്, വൈകിട്ട് 5.30ന് വിദ്യാഗോപാലമന്ത്രാർച്ചന. 18ന് രുഗ്മിണിസ്വയംവരം, വൈകിട്ട് 6ന് സർവൈശ്വര്യപൂജ. 20ന് രാവിലെ 11ന് അവഭൃഥസ്‌നാനം, തുടർന്ന് ഉച്ചയ്ക്ക് 1ന് മഹാപ്രസാദമൂട്ട്.