തലനാട്: എസ്.എൻ.ഡി.പി യോഗം 853ാം നമ്പർ തലനാട് ശാഖയിലെ ജ്ഞാനേശ്വര മഹാദേവക്ഷേത്രത്തിൽ 14 മുതൽ 22 വരെ അഷ്ടമംഗലപ്രശ്ന പരിഹാരക്രിയകളും അഷ്ടബന്ധലേപനവും സഹസ്രകലശവും നടത്തുമെന്ന് ക്ഷേത്രം ഭാരവാഹികൾ വാർത്താസമ്മേളനത്തിൽ അറിയിച്ചു. തന്ത്രി പറവൂർ രാകേഷ്, മേൽശാന്തി ജമീഷ് ശാന്തി എന്നിവർ മുഖ്യകാർമികത്വം വഹിക്കും. 14ന് വൈകിട്ട് 6.30ന് ദീപാരാധന, തുടർന്ന് ആചാര്യവരണം, അത്താഴപൂജ, പ്രഭാഷണം.

15ന് രാവിലെ 5.30ന് മഹാഗണപതിഹോമം, മഹാമൃത്യുഞ്ജയഹോമം, വൈകിട്ട് 6.30ന് ദീപാരാധന, ലളിതാസഹസ്രനാമാർച്ചന, അത്താഴപൂജ. 16ന് രാവിലെ മഹാഗണപതിഹോമം, ഭഗവതിസേവ. 17ന് രാവിലെ തിലഹോമം, സായൂജ്യപൂജ.18ന് രാവിലെ മുളപൂജ, പഞ്ചകം, വിശേഷാൽപൂജ. 19ന് രാവിലെ ശാന്തിഹോമം, വൈകുന്നേരം ഭഗവതിസേവ. 20ന് വൈകുന്നേരം ഭഗവതിസേവ, മുളപൂജ, അത്താഴപൂജ. 21ന് രാവിലെ തത്വകലശപൂജ, പരികലശപൂജ, വൈകുന്നേരം അധിവാസഹോമം, അത്താഴപൂജ, 22ന് രാവിലെ അധിവാസംവിടർത്തിപൂജ, 9.10ന് അഷ്ടബന്ധലേപനം. തുടർന്ന്, വിശേഷാൽപൂജ, ആചാര്യ ദക്ഷിണ, അന്നദാനം. പത്രസമ്മേളനത്തിൽ എസ്.എൻ.ഡി.പി യോഗം മീനച്ചിൽ യൂണിയൻ ജോയിന്റ് കൺവീനർ കെ.ആർ.ഷാജി, ശാഖാ പ്രസിഡന്റ് സോളി ഷാജി, വൈസി പ്രസിഡന്റ് ജ്യോതിസ് ടി.ഗുരുഭവൻ, സെക്രട്ടറി എ.എം. മോഹനൻ അള്ളുങ്കൽ, നവീകരണ കലശകമ്മിറ്റി ചെയൻമാർ പി.വി.തുളസീധരൻ പുത്തൻപുരയ്ക്കൽ, കൺവീനർ പി.എസ്.വിനോദ് പാണ്ടൻകല്ലുങ്കൽ, വൈസ് ചെയർമാർ എ.ആർ.ലെനിൻമോൻ ആരോലിക്കൽ എന്നിവർ പങ്കെടുത്തു.