വൈക്കം: വൈക്കം നഗരസഭയെയും ഉദയനാപുരം ഗ്രാമപഞ്ചായത്തിനെയും ബന്ധിപ്പിക്കുന്ന കാരയിൽ കണിയാംതോടിന് കുറുകെ നിർമ്മിക്കുന്ന പാലത്തിന് 17ന് ശിലയിടും. ഉദയനാപുരം പഞ്ചായത്തിലെ തീരദേശവാസികൾക്ക് വൈക്കം നഗരവുമായി ബന്ധപ്പെടാൻ പുതിയൊരു മാർഗം കൂടി പാലം നിർമ്മാണത്തോടെ തുറന്നുകിട്ടുമെന്ന് വാർഡ് കൗൺസിലർ അശോകൻ വെള്ളവേലി പറഞ്ഞു. 17ന് വൈകിട്ട് 4.30 ന് പാലം നിർമാണത്തിന്റെ ശിലാസ്ഥാപനം സി.കെ.ആശ എം.എൽ.എ നിർവഹിക്കും. സി.കെ.ആശ എം.എൽ.എയുടെ ആസ്തി വികസനഫണ്ടിൽ നിന്നും അനുവദിച്ച 65 ലക്ഷം രൂപ ചെലവിലാണ് പാലം നിർമിക്കുന്നത്. വൈക്കം നഗരസഭയിലെ താലൂക്ക് ഗവ. ആയുർവേദ ആശുപത്രി റോഡും ഉദയനാപുരം പഞ്ചായത്തിലെ വൈപ്പിൻപടി കലിങ്ക് റോഡുമായി ബന്ധിപ്പിച്ചാണ് കണിയാംതോടിന് കുറുകെ പാലം നിർമ്മിക്കുന്നത്.