പാലാ: പാലാ സർക്കാർ ഹോമിയോ ആശുപത്രിയിൽ പുതിയ സ്‌​പെഷ്യൽ ഒ.പികൾ പ്രവർത്തനമാരംഭിച്ചു. ആരോഗ്യ സ്റ്റാന്റിംഗ് കമ്മിറ്റി ചെയർപേഴ്‌​സൺ ലിസ്സികുട്ടി മാത്യുവിന്റെ അദ്ധ്യക്ഷതയിൽ മുനിസിപ്പൽ ചെയർമാൻ തോമസ് പീറ്റർ പുതിയ ഒ.പികൾ ഉദ്ഘാടനം ചെയ്തു.

ഡോ.കാർത്തിക വിജയകുമാറിന്റെ നേതൃത്വത്തിൽ അലർജി ആസ്ത്മ ക്ലിനിക് എല്ലാ ചൊവ്വാഴ്ചകളിലും,ഡോ. നീതു രാജിന്റെ നേതൃത്വത്തിൽ വെരിക്കോസ് വെയിൻ & പൈൽസ് ക്ലിനിക് എല്ലാ വ്യാഴാഴ്ചകളിലും,ഡോ. അഖില കെ ശശിയുടെ നേതൃത്വത്തിൽ ത്വക്ക്‌രോഗ വിഭാഗം എല്ലാ വെള്ളിയാഴ്ചകളിലും രാവിലെ 9 മുതൽ ഉച്ചയ്ക്ക് 2 വരെ രോഗികളെ പരിശോധിക്കുമെന്ന് സൂപ്രണ്ട്‌ ഡോ. സാജൻ ചെറിയാൻ പറഞ്ഞു.

സമ്മേളനത്തിൽ കൗൺസിലർമാരായ ജോസ് ഏടേട്ട്, മായ പ്രദീപ്, ആശുപത്രി വികസനസമിതി അംഗങ്ങളായ ഡിജു സെബാസ്റ്റ്യൻ, വത്സല ഹരിദാസ്,ജോർജ് കുട്ടി ചെറുവള്ളി എന്നിവർ ആശംസകൾ നേർന്നു. ഡോ. സാജൻ ചെറിയാൻ സ്വാഗതവും ഡോ. കാർത്തിക വിജയകുമാർ നന്ദിയും പറഞ്ഞു.