ഏഴാച്ചേരി: ദീപാവലി നാളിൽ ഏഴാച്ചേരി കാവിൻപുറം ഉമാമഹേശ്വര ക്ഷേത്രത്തിന്റെ ചരിത്രത്തിലാദ്യമായി കിരാതികിരാത രൂപങ്ങളുടെ കളം എഴുതുന്നു. ഇതോടൊപ്പം കളമെഴുത്തുപാട്ടും നടത്തും. അഷ്ടമംഗല ദേവപ്രശ്ന പരിഹാര ക്രിയകളുടെ ഭാഗമായാണ് നാളെ കളമെഴുതുന്നത്. കിരാതികിരാത രൂപങ്ങളുടെ കളം സാധാരണ ക്ഷേത്രങ്ങളിൽ പതിവില്ല. കുറിച്ചിത്താനം വിജയൻമാരാരുടെ നേതൃത്വത്തിലാണ് കളമെഴുത്ത് നടക്കുന്നത്. കളത്തിൽ ത്രികാലപൂജയുടെ അവസാനം ദീപാരാധനയ്ക്ക് ശേഷം കളംതൊഴിലൂം കളംമായ്ക്കലും നടത്തും. വൈകിട്ട് 6.30നാണ് പ്രധാനദർശന സമയം. പൗരാണിക ധൂളീരൂപാരാധനയുടെ തുടർച്ചയായി നടത്തുന്ന കളമെഴുത്തും പാട്ടും ഓരോ ഭക്തർക്കും അവരുടെ നാളിലും പേരിലും കളത്തിൽ പൂജയിൽ പങ്കെടുക്കാം. ഫോൺ: 9745260444. ദീപാവലിയോടനുബന്ധിച്ച് ദീപാരാധനയ്ക്ക് വിശേഷാൽ ദീപക്കാഴ്ചയും ഒരുക്കുന്നുണ്ട്.