കോട്ടയം: എൽ.ഡി.എഫ് സർക്കാരിന്റെ വാഗ്ദാന ലംഘനങ്ങൾക്കും, ജനദ്രോഹ നടപടികൾക്കും എതിരെ കേരള കോൺഗ്രസ് സംസ്ഥാന കമ്മിറ്റിയുടെ ആഭിമുഖ്യത്തിൽ 25 ന് ഉച്ചകഴിഞ്ഞ് 3 ന് തിരുനക്കര ബസ് സ്റ്റാൻഡ് മൈതാനത്ത് ബഹുജനസംഗമം സംഘടിപ്പിക്കും. ചെയർമാൻ പി.ജെ ജോസഫ് എം.എൽ.എ ഉദ്ഘാടനം ചെയ്യും. വർക്കിംഗ് ചെയർമാൻ പി.സി.തോമസ് അദ്ധ്യക്ഷത വഹിക്കും. എക്സിക്യുട്ടീവ് ചെയർമാൻ മോൻസ് ജോസഫ് എം.എൽ.എ മുഖ്യപ്രഭാഷണം നടത്തും. ജോയ് അബ്രഹാം, ടി.യു.കുരുവിള, ഫ്രാൻസിസ് ജോർജ് എം.പി, തോമസ് ഉണ്ണിയാടൻ, അപു ജോൺ ജോസഫ് തുടങ്ങിയവർ പ്രസംഗിക്കും.