കോട്ടയം : പള്ളിക്കത്തോട്ടിൽ കലുങ്ക് സഭയ്‌ക്കെത്തിയ കേന്ദ്രമന്ത്രി സുരേഷ് ഗോപിയുടെ വാഹനത്തിന് മുന്നിൽ ഒരാൾ എടുത്തു ചാടിയ സംഭവത്തെക്കുറിച്ച് സമഗ്രാന്വേഷണം വേണമെന്ന് ബി.ജെ.പി നേതാവ് എൻ.ഹരി ആവശ്യപ്പെട്ടു. ഇത് സംബന്ധിച്ച് പൊലീസിൽ പരാതി നൽകിയിട്ടുണ്ട്. നീതിയുക്തമായ അന്വേഷണമാണ് ഇക്കാര്യത്തിൽ വേണ്ടത്.

വൻസുരക്ഷാ വീഴ്ചയാണുണ്ടായത്. നേരത്തെ തന്നെ ഉന്നത പൊലീസ് അധികാരികളോട് ഇക്കാര്യം ധരിപ്പിച്ചിരുന്നതാണ്.

ഒന്നരമണിക്കൂർ നീണ്ട സഭയിലോ ഹെൽപ്പ് ഡെസ്ക്കിലോ പരാതി നൽകാതെ വാഹനം തടഞ്ഞുനിറുത്തി അതിനു ശ്രമിച്ചെന്നത് വിശ്വസിക്കാനാവുന്നില്ലെന്നും അദ്ദേഹം പറഞ്ഞു.