റിമ കല്ലിംഗൽ കേന്ദ്ര കഥാപാത്രമായി ദേശീയ പുരസ്‌കാര ജേതാവ് സജിൻ ബാബു സംവിധാനം ചെയ്യുന്ന 'തിയേറ്റർ: ദ മിത്ത് ഒഫ് റിയാലിറ്റി' ട്രെയിലർ റിലീസ് ചെയ്തു.റിമ എന്ന അഭിനേത്രിയുടെ ജീവിതത്തിൽ വഴിത്തിരിവ് സൃഷ്ടിക്കുന്ന കഥാപാത്രമായിരിക്കും തിയേറ്ററിലേതെന്ന് ടെയിലർ സൂചന നൽകുന്നു. ഒക്ടോബർ 16ന് റിലീസ് ചെയ്യുന്ന തിയേറ്ററിന്റെ ട്രെയിലർ കാൻ ചലച്ചിത്രമേളയിൽ ആണ് പുറത്തിറക്കിയത്. റഷ്യയിലെ കസാൻ ചലച്ചിത്രമേളയിൽ ഒക്ടോബർ 8നും 9നും ആണ് ചിത്രം പ്രദർശിപ്പിക്കുന്നുണ്ട്.

കേരളത്തിലെ മാഞ്ഞുപോകുന്ന ആചാരങ്ങളും സ്ത്രീവിശ്വാസങ്ങളും, ഐതിഹ്യവും യാഥാർഥ്യവും തമ്മിലുള്ള അതിർത്തികളും അതിലൂടെ മനുഷ്യജീവിതത്തെ ബാധിക്കുന്ന അനുഭവങ്ങളും ആഴത്തിൽ അവതരിപ്പിക്കുന്ന ചിത്രമാണ് "തിയേറ്റർ" . സരസ ബാലുശ്ശേരിയും പ്രധാന വേഷത്തിൽ എത്തുന്നു. ഡൈൻ ഡേവിസ്, പ്രമോദ് വെളിയനാട്, കൃഷ്‌ണൻ ബാലകൃഷ്‌ണൻ, മേഘ രാജൻ, ആൻ സലിം, ബാലാജി ശർമ, ഡി. രഘൂത്തമൻ, അഖിൽ കവലയൂർ, അപർണ സെൻ, ലക്ഷ്‌മി പത്മ, മീന രാജൻ, ആർ ജെ അഞ്ജലി, മീനാക്ഷി രവീന്ദ്രൻ, അശ്വതി, അരുൺ സോൾ, രതീഷ് രോഹിണി തുടങ്ങിവരാണ് മറ്റ് താരങ്ങൾ. ഛായാഗ്രഹണം ശ്യാമപ്രകാശ് എം.എസ്,

എഡിറ്റിംഗ്-അപ്പു എൻ ഭട്ടതിരി,സംഗീതം -സയീദ് അബ്ബാസ്,സിങ്ക് സൗണ്ട്- ഹരികുമാർ മാധവൻ നായർ, സൗണ്ട് മിക്സിംഗ് ജുബിൻ രാജ്,സൗണ്ട് ഡിസൈൻ-സജിൻ ബാബു, ജുബിൻ രാജു, ആർട്ട്-സജി ജോസഫ്, ആക്ഷൻ-അഷറഫ് ഗുരുക്കൾ, വിഎഫ്എക്സ്-പ്രശാന്ത് കെ നായർ,അഞ്ജന ടാക്കീസിന്റെ ബാനറിൽ അഞ്ജന ഫിലിപ്പ്, ഫിലിപ്പ് സക്കറിയ എന്നിവർ ചേർന്നാണ് നിർമ്മാണം. സഹനിർമാണം സന്തോഷ് കോട്ടായി,

മാർക്കറ്റിംഗ് ആന്റ് കമ്യൂണിക്കേഷൻ- ഡോ. സംഗീത ജനചന്ദ്രൻ(സ്റ്റോറീസ് സോഷ്യൽ). പി .ആർ .ഒ എ. എസ് .ദിനേശ്.