മലപ്പുറം: പെരിന്തൽമണ്ണ സ്കൂൾ ഫുട്ബാൾ മത്സരത്തിനിടെ കായികാദ്ധ്യാപകനെ മർദ്ദിച്ച വിദ്യാർത്ഥികൾക്കെതിരെ പൊലീസ് കേസെടുത്തു. കഴിഞ്ഞ ദിവസം നടന്ന മങ്കട ഉപജില്ലാ സ്കൂൾ കായിക മേളക്കിടയിലായിരുന്നു സംഭവം. പോളി ടെക്നിക് കോളജ് ഗ്രൗണ്ടിൽ നടന്ന ഫുട്ബാള്‍ മത്സരത്തിനിടെയാണ് കായികാദ്ധ്യാപകന് മര്‍ദനമേറ്റത്.
കൊളത്തൂർ നാഷണൽ ഹയർ സെക്കണ്ടറിയിലെ കായിക അദ്ധ്യാപകനായ ശ്രീരാഗിനാണ് മർദ്ദനമേറ്റത്. ഗോൾ കീപ്പറെ മര്‍ദിക്കുന്നത് തടയാനുള്ള ശ്രമത്തിനിടെയാണ് ശ്രീരാഗിന് പരിക്കേറ്റത്. പരിയാപുരം സെന്റ് മേരീസ് സ്കൂൾ വിദ്യാർഥികളായ നാല് പേർക്കെതിരെയാണ് പൊലീസ് കേസെടുത്തത്. കായികാധ്യാപകനെ മര്‍ദിക്കുന്നതിന്‍റെ ദൃശ്യങ്ങളും പുറത്ത് വന്നു.