കാസർകോട്: ബിരിയാണിക്കൊപ്പം സാലഡ് നൽകാത്തതിനെ തുടർന്ന് കാറ്ററിംഗ് ജീവനക്കാരനെ മർദ്ദിച്ചതായി പരാതി. എടനാട് സീതാംഗോളിയിലെ ഒരു കല്യാണ ഓഡിറ്റോറിയത്തിൽ ഞായറാഴ്ച വൈകിട്ടായിരുന്നു സംഭവം. ഭക്ഷണം വിളമ്പാനെത്തിയ കാറ്ററിംഗ് ജീവനക്കാരനായ ഇംത്യാസിനെയാണ് ആളുകൾ മർദ്ദിച്ചത്. സംഭവത്തിൽ കുമ്പള പൊലീസ് കേസെടുത്തിട്ടുണ്ട്.

ബിരിയാണിയോടൊപ്പമെത്തിച്ച സാലഡ് തീർന്നതിലുള്ള വിരോധത്തിൽ ചീത്തവിളിക്കുകയും മർദ്ദിക്കുകയുമായിരുന്നുവെന്ന് എഫ്ഐആറിൽ പറയുന്നു. ആക്രമം തടയാൻ ചെന്ന കാറ്ററിംഗ് സ്ഥാപക ഉടമയെയും മർദ്ദിച്ചു. അബ്ബാസ്, മഷൂദ് എന്നിവർക്കെതിരെയാണ് കേസെടുത്തത്. ഉടമയാണ് കഴിഞ്ഞ ദിവസം പരാതി നൽകിയത്.