ഇടുക്കി: റെഡ് അലർട്ട് പ്രഖ്യാപിച്ചതിനെ തുടർന്ന് ഇടുക്കി ജില്ലയിൽ രാത്രി യാത്രയ്ക്കും വിനോദസഞ്ചാരത്തിനും നിരോധനം. റെഡ് അലർട്ട് പിൻവലിക്കുന്നതു വരെ മേഖലയിൽ വൈകിട്ട് ഏഴ് മുതൽ രാവിലെ ആറ് വരെ യാത്ര അനുവദിക്കില്ല. ബോട്ടിംഗ്, കയാക്കിംഗ്, റാഫ്റ്റിംഗ്, കുട്ടവഞ്ചി സവാരി ഉൾപ്പടെ ജലവിനോദങ്ങളും ദുരന്ത സാദ്ധ്യതയുള്ള മലയോര മേഖലകളിലെ ട്രക്കിംഗും നിരോധിച്ചു . ദുരന്ത നിവാരണ പ്രവർത്തനങ്ങൾക്ക് ഒഴികെ ഖനന പ്രവർത്തനങ്ങളും മണ്ണെടുപ്പും ജില്ലാ കളക്ടർ നിരോധിച്ചിട്ടുണ്ട്.