പന്തളം തെക്കേക്കര : ഡെപ്യൂട്ടി സ്പീക്കർ ചിറ്റയം ഗോപകുമാർ നിർദ്ദേശിച്ചതിന്റെ അടിസ്ഥാനത്തിൽ സർക്കാരിന്റെ ഗ്രാമീണ റോഡ് വികസന പദ്ധതിയിൽ ഉൾപ്പെടുത്തി 20 ലക്ഷം രൂപ വിനിയോഗിച്ച് ചെന്നായ്ക്കുന്ന് - നടുവിനാൽപ്പടി റോഡ് സഞ്ചാരയോഗ്യമാക്കും. നിർമ്മാണ ഉദ്ഘാടനം ചിറ്റയം ഗോപകുമാർ നിർവഹിച്ചു. ഗ്രാമ പഞ്ചായത്ത് പ്രസിഡന്റ് രാജേന്ദ്രപ്രസാദ് അദ്ധ്യക്ഷത വഹിച്ചു. വൈ പ്രസിഡന്റ് റാഹേൽ, ഗ്രാമ പഞ്ചായത്ത് സ്റ്റാൻഡിംഗ് കമ്മിറ്റി ചെയർപേഴ്സൺമാരായ ശ്രീവിദ്യ, വിദ്യാധര പണിക്കർ, പ്രിയാ ജ്യോതികുമാർ, അംഗം രഞ്ജിത്, കുടുംബശ്രീ അദ്ധ്യക്ഷ രാജി പ്രസാദ് എന്നിവർ സംസാരിച്ചു.