ഇലഞ്ഞിമേൽ: ഇലഞ്ഞിമേൽ ഗാന്ധിഭവൻ ദേവാലയത്തിലെ അമ്മവീടിന്റെ രണ്ടാം വാർഷികാഘോഷ പരിപാടികൾ ഇന്നലെ രാവിലെ 9ന് വിവിധ കലാസംഘങ്ങൾ അവതരിപ്പിച്ച കലാപരിപാടികളോടെ ആരംഭിച്ചു. തുടർന്ന് പുലിയൂർ ഗ്രാമ പഞ്ചായത്ത് പ്രസിഡന്റ് എം ജി ശ്രീകുമാറിന്റെ അദ്ധ്യക്ഷതയിൽ നടന്ന സാംസ്കാരിക സമ്മേളനം കൊടിക്കുന്നിൽ സുരേഷ് എം. പി ഉദ്ഘാടനം ചെയ്തു. സ്ഥാപനത്തിന്റെ ചുറ്റൂമതിൽ പണിയിച്ചു തരികയും , ഗാന്ധി ഭവൻ ദേവാലയത്തിൽ വസിക്കുന്നവരുടെ സേവനാർത്ഥം ഒരു വാഹനം സംഭാവനയായി നല്കുകയും ചെയ്ത പി.വി പ്രസാദ് പട്ടാശേരിയെ മന്ത്രി സജിചെറിയാൻ ആദരിക്കുകയും വാഹനത്തിന്റെ താക്കോൽ പി.വി പ്രസാദ് പട്ടാശ്ശേരിയിൽ നിന്നും ഏറ്റുവാങ്ങി ഗാന്ധിഭവൻ, ദേവാലയം ഡയറക്ടർ ഗംഗാധരൻ ശ്രീഗംഗക്ക്‌ കൈമാറുകയും ചെയ്തു. സമ്മേളനത്തെ ഡോ.പുനലൂർ സോമരാജൻ , എസ്.എൻ.ഡി. പിയോഗം മാന്നാർ യൂണിയൻ കൺവീനർ അനിൽ പി.ശ്രീരംഗം, ഡോ.പി കെ ജനാർദ്ദന കുറുപ്പ് , കോടുകുളഞ്ഞി ശ്രീനാരായണ വിശ്വ ധർമ്മ മഠം മഠാധിപതി ശിവബോധാനന്ദ സ്വാമി,​ മാന്നാർ പുത്തൻ പള്ളി ജുമാമസ്‌ജിത് മുഖ്യ ഇമ്മാം സഫലബത്ത് ദാരിമി,​ എം.ജി മനോജ്, ജേക്കബ് കെ.വർഗീസ് , ജി.വേണു കുമാർ,​ ഡി.വിജയകുമാർ, ജോജി ചെറിയാൻ, എ.ആർ വരദരാജൻ നായർ, അടിമുറ്റത്തുമഠം സുരേഷ് ഭട്ടതിരിപ്പാട്, ബാബു കല്ലൂത്തറ, ഹരിദാസൻ പിള്ള, അഡ്വ.സുരേഷ് മത്തായി, കെ.ആർ പ്രഭാകരൻ നായർ, സതീശ് ശാന്തിനിവാസ് , പി.കൃഷ്ണൻ കുട്ടി, സൂസമ്മ ബെന്നി, ഗീതാ നായർ, ഗിരീഷ് ഇലഞ്ഞിമേൽ, പ്രൊഫ എൻ. ജി.മൂരളീധരക്കുറുപ്പ് , പി എസ് ചന്ദ്രദാസ്,​ കല്ലാർ മദനൻ തുടങ്ങിയവർ സംസാരിച്ചു.