തിരുവല്ല : പെരിങ്ങര ഗ്രാമപഞ്ചായത്തിലെ ചാത്തങ്കരി ഗവൺമെന്റ് എൽ.പി സ്കൂളിൽ പുതുതായി പണികഴിപ്പിച്ച മത്സ്യക്കുളത്തിൽ പഞ്ചായത്ത് നിക്ഷേപിച്ച മത്സ്യങ്ങളുടെ വിളവെടുപ്പ് നടത്തി. ഒന്നര വർഷം മുമ്പ് നിക്ഷേപിച്ച രോഹു, കട്ല എന്നീ മത്സ്യങ്ങളുടെ വിളവെടുപ്പാണ് നടന്നത്. പരീക്ഷണാടിസ്ഥാനത്തിൽ നടത്തിയ കൃഷിയിൽ നിന്ന് 300 ഗ്രാം വരെ മത്സ്യങ്ങൾക്ക് തൂക്കം ലഭിച്ചു. മീനുകളെ ഉപയോഗിച്ച് ഫിഷ് ബിരിയാണി ഉണ്ടാക്കി സ്‌കൂൾ കുട്ടികൾക്ക് നൽകി. ഗ്രാമപഞ്ചായത്ത് പ്രസിഡന്റ് ഏബ്രഹാം തോമസ് വിളവെടുപ്പ് ഉദ്ഘാടനം ചെയ്തു. . ഗ്രാമപഞ്ചായത്ത് അംഗങ്ങളായ സുഭദ്രാ രാജൻ, ശാന്തമ്മ ആർ.നായർ, സ്കൂൾ പ്രഥമ അദ്ധ്യാപിക റോസ് മേരി, ജാസ്മിൻ എന്നിവർ പങ്കെടുത്തു.