കോന്നി: അഡ്വ.കെ.യു.ജനീഷ് കുമാർ എം.എൽ.എ കോന്നിയുടെ വികസന നേതൃത്വമായതിന്റെ ആറാണ്ട് പൂർത്തിയായതിന്റെ ഭാഗമായി വള്ളിക്കോട് പഞ്ചായത്തിൽ വിവിധ വികസന പദ്ധതികൾ ഉദ്ഘാടം ചെയ്തു. പൂർത്തിയായതും, ആരംഭിക്കുന്നതുമായ വിവിധ പദ്ധതികളുടെ ഉദ്ഘാടനമാണ് എം.എൽ.എ നിർവഹിച്ചത്.
പോസ്റ്റ് ഓഫീസ് - കാവിന്റയ്യത്ത് പടി റോഡ്, കിണറുവിളപ്പടി -വാല് പറമ്പ് പടി റോഡ് , തെങ്ങുംപള്ളിൽ പടി- പാലവിളപ്പടി റോഡ്, കുടമുക്ക് സ്മാർട്ട്‌ അങ്കണവാടി , കൊച്ചു തെക്കേതിൽ പടി -സെന്റ് പോൾസ് പടി റോഡ്, ഒട്ടക്കൽപടി- പല്ലാടുംമണ്ണിൽ പടി റോഡ്, വിശ്വദർശനം പടി -കരിക്കേനെത്ത് റോഡ്,

നരിതൂക്കിൽ പടി- കോയിക്കൽ ക്ഷേത്രം റോഡ് , വള്ളിക്കോട് കുടുംബാരോഗികേന്ദ്രം പുതിയ കെട്ടിടംകുഴിപ്പറമ്പിൽപടി - നെല്ലിപ്പള്ളിൽ പടി റോഡ്, പി.ഡി. യു.പി. എസ് പാചകപ്പുര വള്ളിക്കോട് ഏലാ വികസനം ട്രാക്ടർ പാലം എന്നിവയുടെ ഉദ്ഘാടനമാണ് നടന്നത്. വിവിധ ചടങ്ങുകളിൽ വള്ളിക്കോട് ഗ്രാമപഞ്ചായത്ത് പ്രസിഡന്റ് ആർ. മോഹനൻ നായർ, ജില്ലാ പഞ്ചായത്ത് അംഗം റോബിൻ പീറ്റർ, ബ്ലോക്ക് പഞ്ചായത്ത് അംഗം നീതു ചാർലി പ്രസന്ന രാജൻ, ഗ്രാമപഞ്ചായത്ത് അംഗങ്ങളായ തോമസ് ജോസ്, അയ്യനെയ്യത്ത് എം വി ജോസ്, ലക്ഷ്മി, സുധാകരൻ തുടങ്ങിയവർ പങ്കെടുത്തു.