കൊ​ല്ലം: അ​മി​ത വേ​ഗ​ത​യിൽ അ​ശ്ര​ദ്ധ​മാ​യി ഹെൽ​മ​റ്റ് ധ​രി​ക്കാതെ​ത്തി​യ ബൈ​ക്ക് യാ​ത്രി​ക​നെ​തി​രെ ന​ട​പ​ടി​യെ​ടു​ക്കാൻ ശ്ര​മി​ച്ച എ​സ്‌​.ഐ​യെ ആ​ക്ര​മി​ച്ച​വ​രെ റി​മാൻ​ഡ് ചെ​യ്​തു. അ​ഞ്ചൽ പൊ​ലീ​സ് സ്റ്റേ​ഷ​നി​ലെ എ​സ്‌.​ഐ പ്ര​ജീ​ഷ്​കു​മാ​റി​ന് നേ​രെ​യാ​ണ് കൈയേ​റ്റം ന​ട​ന്ന​ത്. സം​ഭ​വ​ത്തിൽ അ​ഞ്ചൽ പ​ന​യ​ഞ്ചേ​രി നി​ലാ​വിൽ സു​രാ​ജ്, ഇ​യാ​ളു​ടെ മ​ക്ക​ളാ​യ അ​ബ്ദു​ള്ള സു​രാ​ജ്, അ​ഹ​മ​ദ് സു​രാ​ജ് എ​ന്നി​വ​രാ​ണ് റി​മാൻ​ഡി​ലാ​യ​ത്.

ക​ഴി​ഞ്ഞ ദി​വ​സം ഉ​ച്ച​യോ​ടെ അ​ഞ്ചൽ ബൈ​പ്പാ​സിൽ ആ​യി​രു​ന്നു സം​ഭ​വം. സെന്റ് ജോർ​ജ് സ്​കൂൾ ഭാ​ഗ​ത്തേ​ക്ക് ഹെൽ​മെറ്റ് ധ​രി​ക്കാ​തെ അ​മി​ത വേ​ഗ​ത​യിൽ ബൈ​ക്കിൽ വ​ന്ന ഒ​ന്നാം പ്ര​തി അ​ഹ​മ്മ​ദ് സു​രാ​ജി​നെ എ​സ്‌​.ഐ​യു​ടെ നേ​തൃ​ത്വ​ത്തി​ലു​ള്ള പൊ​ലീ​സ് സം​ഘം വാ​ഹ​നം നിറു​ത്തി​ച്ച് ന​ട​പ​ടി​ക്കൊ​രു​ങ്ങ​വേ ഇ​യാൾ എ​സ്‌​.ഐ​യെ അ​സ​ഭ്യം പ​റ​ഞ്ഞു. അ​തി​നി​ട​യിൽ സ​മീ​പ​ത്തെ ക​ട​യിൽ നി​ന്ന് എ​ത്തി​യ സു​രാ​ജും അ​ബ്ദു​ള്ള സു​രാ​ജും ചേർ​ന്ന് എ​സ്.ഐ പ്ര​ജീ​ഷ് കു​മാ​റി​നെ പി​ടി​ച്ച് ത​ള്ളു​ക​യും കൈയേ​റ്റം ചെ​യ്യു​ക​യു​മാ​യി​രു​ന്നു.

എ​സ്.ഐ​യു​ടെ ഇ​ട​തു കൈ​ക്ക് പ​രി​ക്കേ​റ്റി​ട്ടു​ണ്ട്. പി​ന്നീ​ട് സ്റ്റേ​ഷ​നിൽ നി​ന്ന് കൂ​ടു​തൽ പൊ​ലീ​സ് എ​ത്തി പ്ര​തി​ക​ളെ പി​ടി​കൂ​ടു​ക​യാ​യി​രു​ന്നു. കൈയേറ്റം ചെ​യ്യു​ക, അ​സ​ഭ്യം വി​ളി​ക്കു​ക, ഔ​ദ്യോ​ഗി​ക കൃ​ത്യ​നിർ​വാ​ഹ​ണം ത​ട​സ​പ്പെ​ടു​ത്തു​ക തു​ട​ങ്ങി​യ വ​കു​പ്പു​കൾ ചു​മ​ത്തി​യാ​ണ് പ്ര​തി​ക​ളെ അ​റ​സ്റ്റ് ചെ​യ്​ത​ത്. വൈ​ദ്യ പ​രി​ശോ​ധ​ന പൂർ​ത്തി​യാ​ക്കി​യ പ്ര​തി​ക​ളെ കോ​ട​തി​യിൽ ഹാ​ജ​രാ​ക്കി റി​മാൻ​ഡ് ചെ​യ്​തു.