കൊല്ലം: കൊല്ലം എസ്.എൻ കോളേജ് കൊമേഴ്സ് വിഭാഗത്തിന്റെ ആഭിമുഖ്യത്തിൽ നടത്തിയ ഡോ. ബി. മുരളീധരൻ സ്മാരക അവാർഡ് വിതരണം ആർ.ഡി.സി കൺവീനർ ഡോ. സി. അനിതാ ശങ്കർ ഉദ്ഘാടനം ചെയ്തു. കോളേജ് പ്രിൻസിപ്പൽ ഡോ. എസ്.വി. മനോജ് അദ്ധ്യക്ഷത വഹിച്ചു. യൂണിവേഴ്സിറ്റി പരീക്ഷയിൽ ഉന്നത വിജയം കരസ്ഥമാക്കിയ എം.കോം വിദ്യാർത്ഥികളായ ആർഷ ബോസ്, എ. അനുപമ, ബി.കോം വിദ്യാർത്ഥികളായ ദേവിക ബൈജു, എൻ. ഫാത്തിമ എന്നിവർക്ക് ആർ.ഡി.സി ചെയർമാൻ അനൂപ് മോഹൻ ശങ്കർ അവാർഡുകൾ നൽകി. ഡോ. എസ്.എസ്. ആർച്ച സ്വാഗതവും ഡോ. സി. വിനോദ് നന്ദിയും പറഞ്ഞു. കൊമേഴ്സ് വിഭാഗം മേധാവി ഡോ. എ. രാജശേഖരൻ, ഐ.ക്യു.എ.സി കോ- ഓർഡിനേറ്റർ ഡോ. എസ്. ലൈജു എന്നിവർ സംസാരിച്ചു. കോളേജിലെ കൊമേഴ്സ് വിഭാഗം മുൻ മേധാവിയാണ് ഡോ.ബി. മുരളീധരൻ.