കൊട്ടാരക്കര: കൊട്ടാരക്കര സംസ്കാരയുടെയും കൊട്ടാരക്കര ശ്രീധരൻനായർ ഫൗണ്ടേഷന്റെയും സംയുക്താഭിമുഖ്യത്തിൽ മഹാനടൻ കൊട്ടാരക്കര ശ്രീധരൻനായരുടെ 39-ാം അനുസ്മരണ സമ്മേളനവും കലാ-സാംസ്കാരിക സമ്മേളനവും പ്രതിഭകളെ ആദിക്കലും 19ന് നടക്കും. വൈകിട്ട് 4ന് ധന്യാ ഓഡിറ്റോറിത്തിൽ നടക്കുന്ന അനുസ്മരണ സമ്മേളനം മന്ത്രി കെ.എൻ.ബാലഗോപാൽ ഉദ്ഘാടനം ചെയ്യും. സംസ്കാര ചെയർമാൻ ഡോ. പി.എൻ.ഗംഗാധരൻ നായർ അദ്ധ്യക്ഷനാകും. അഡ്വ. പി.അയിഷാപോറ്റി മുഖ്യ പ്രഭാഷണം നടത്തും. ചലച്ചിത്ര സംവിധായകനും കെ.എസ്.എഫ്.ഡി.സി ചെയർമാനുമായ കെ.മധു അനുസ്മരണ പ്രഭാഷണം നടത്തും. വിവിധ മേഖലകളിൽ മികവ് പുലർത്തിയ പ്രതിഭകളെ നഗരസഭ ചെയർമാൻ അഡ്വ. കെ.ഉണ്ണിക്കൃഷ്ണമേനോനും കലാ പ്രതിഭകളെ സാംസ്കാരിക ക്ഷേമനിധി ബോർഡ് ഡയറക്ടർ അഡ്വ. അമ്പലക്കര കെ.അനിൽകുമാറും ആദരിക്കും. എൻ.എസ്.എസ് ഡയറക്ടർ ബോർഡ് അംഗം ജി.തങ്കപ്പൻപിള്ള, എസ്.ആർ.രമേശ്, കണ്ണാട്ട് രവി, അരുൺ കാടാംകുളം, ബി.എസ്.ഗോപകുമാർ, എ.എസ്.ഷാജി എം.എം.ഇസ്മയിൽ, ശോഭ മോഹൻ എന്നിവർ സംസാരിക്കും. ബീന കൃഷ്ണകുമാർ, ശൈലജ, വിനു മോഹൻ, അനുമോഹൻ എന്നിവർ സന്നിഹിതരാകും. സംസ്കാര ജനറൽ സെക്രട്ടറി ജി.കലാധരൻ സ്വാഗതവും എൻ. സൈനുലാബ്ദീൻ നന്ദിയും പറയും.