കൊല്ലം: എസ്.എൻ.ഡി.പി.യോഗം ജനറൽ സെക്രട്ടറി വെള്ളാപ്പള്ളി നടേശന് കൊല്ലം യൂണിയന്റെ നേതൃത്വത്തിൽ 19ന് കൊല്ലം കന്റോൺമെന്റ് മൈതാനത്ത് നൽകുന്ന സ്നേഹാദരവിന്റെ പ്രധാന പന്തലിന്റെ കാൽനാട്ട് കർമ്മം കൊല്ലം യൂണിയൻ പ്രസിഡന്റ് മോഹൻശങ്കറും സെക്രട്ടറി എൻ.രാജേന്ദ്രനും ചേർന്ന് നിർവഹിച്ചു. യോഗം കൗൺസിലർ പി.സുന്ദരൻ, യൂണിയൻ കൗൺസിലർമാരായ ബി.വിജയകുമാർ, പുണർതം പ്രദീപ്, ബി.പ്രതാപൻ, നേതാജി.ബി.രാജേന്ദ്രൻ, ഷാജി ദിവാകർ, എം.സജീവ്, യൂണിയൻ പഞ്ചായത്ത് അംഗങ്ങളായ ജി.രാജ്‌മോഹൻ, ഇരവിപുരം സജീവൻ, കൊല്ലം ആർ.ഡി.സി ചെയർമാൻ അനൂപ്.എം.ശങ്കർ, ട്രസ്റ്റ് ബോർഡ് അംഗങ്ങളായ പ്രമോദ് കണ്ണൻ, പി.ബൈജുലാൽ, സലീം നാരായണൻ, ജി.കൃഷ്‌ണകുമാർ, മുരുകേശൻ യവനിക, അജിത്ത് മുത്തോടം, പി.സുരേന്ദ്രൻ തുടങ്ങിയവർ പങ്കെടുത്തു.