ചാത്തന്നൂർ: കുണ്ടറയി​ൽ 20ന് നടക്കുന്ന എസ്.എൻ.ഡി.പി യോഗം മേഖല നേതൃയോഗത്തിൽ ചാത്തന്നൂർ യൂണിയനിൽ നിന്ന് ആയിരം പ്രതിനിധികൾ പങ്കെടുക്കും. മേഖലാ നേതൃയോഗം വിജയിപ്പിക്കാൻ ചാത്തന്നൂർ യൂണിയനിലെ യൂണിയൻ പ്രതിനിധികൾ, വനിതാ സംഘം, യൂത്ത് മൂവ്മെന്റ്, എസ്.എൻ.പി​.സി​, മൈക്രോ യൂണിറ്റ് അംഗങ്ങളുടെ സംയുക്ത യോഗം യൂണിയൻ പ്രസിഡന്റ് ബി.ബി. ഗോപകുമാർ ഉദ്ഘാടനം ചെയ്തു. യൂണിയൻ പരിധിയിലുള്ള 54 ശാഖായോഗങ്ങളിലും ഇതിനോടനുബന്ധിച്ചുള്ള വിശദീകരണ യോഗങ്ങൾ സംഘടിപ്പിച്ചു. മേഖല നേതൃയോഗത്തിന് ആവശ്യമായ മുന്നൊരുക്കങ്ങൾ പൂർത്തിയായതായി ബി.ബി. ഗോപകുമാറും സെക്രട്ടറി കെ. വിജയകുമാറും അറിയിച്ചു.