കരുനാഗപ്പള്ളി/ ചവറ: ചി​ട്ടയായ സംഘാടനത്തി​ലൂടെ നേതൃത്വസംഗമം വൻ വി​ജയമാക്കി​യതി​ന്റെ ചാരി​താർത്ഥ്യത്തി​ലാണ് എസ്.എൻ.ഡി​.പി​ യോഗം കരുനാഗപ്പള്ളി​​, ചവറ യൂണി​യൻ ഭാരവാഹി​കളും പ്രവർത്തകരും.

ജനറൽ സെക്രട്ടറി​യെ വരവേൽക്കാൻ രാവിലെ 8 മുതൽ തന്നെ കരുനാഗപ്പള്ളി ശ്രീനാരായണ സെൻട്രൽ സ്കൂൾ വളപ്പി​ലെ വേദി​യി​ൽ ജനത്തി​രക്കായി​രുന്നു. 8000 പേർക്കുള്ള ഇരിപ്പിടങ്ങളാണ് ഒരുക്കിയി​രുന്നത്. ഉച്ചഭക്ഷണം ചിക്കൻ ബിരിയാണി. ഭക്ഷണവും കു‌ടി​വെള്ളവും അതത് ശാഖകളി​ൽ നി​ന്നുള്ള വാഹനത്തിൽ കൃത്യമായി​ ലഭിക്കത്തക്ക വി​ധം വിപുലമായ ക്രമീകരണങ്ങളാണ് സംഘാടകർ നടത്തിയത്. 8 മണിയോടെ എത്തിച്ചേർന്ന കരുനാഗപ്പള്ളി, ചവറ യൂണിയൻ ശാഖാ ഭാരവാഹികൾ പ്രവർത്തനങ്ങൾ ഏകോപി​പ്പി​ച്ചു. കരുനാഗപ്പള്ളിയിലെ 68 ശാഖകളി​ലെയും ചവറയിലെ 38 ശാഖകളി​ലെയും പ്രവർത്തകർക്ക് എത്തിച്ചേരാൻ രാവിലെ 7ന് മുമ്പുതന്നെ വാഹനങ്ങൾ അയച്ചുതുടങ്ങി​. 8 മണിയോടെ സെൻട്രൽ സ്കൂൾ ഗ്രൗണ്ട് മഞ്ഞക്കടലായി​. പ്രവേശന കവാടത്തിൽ വച്ച് തന്നെ മഞ്ഞത്തൊപ്പിയും ഇരു യൂണിയനുകളുടെയും ആശംസകൾ ആലേഖനം ചെയ്ത മഞ്ഞ ഷാളും കഴുത്തിലണിഞ്ഞ് ആവേശത്തോടെയാണ് പ്രിയനേതാവിനെ വരവേൽക്കാൻ പ്രവർത്തകർ ഇരിപ്പിടങ്ങളിലേക്കെത്തി​യത്.

എസ്.എൻ.ഡി.പി യോഗം വൈസ് പ്രസിഡന്റ് തുഷാർ വെള്ളാപ്പള്ളി, യോഗം ദേവസ്വം സെക്രട്ടറി അരയാക്കണ്ടി സന്തോഷ് എന്നിവർ ആദ്യം വേദിയിലേക്ക് എത്തിച്ചർന്നു. യോഗം നേതാക്കളെ യൂണിയൻ നേതാക്കളായ എ. സോമരാജൻ, കെ.സുശീലൻ, അരിനല്ലൂർ സഞ്ജയൻ കാരയിൽ അനീഷ് എന്നിവർ ചേർന്ന് വേദിയിലേക്ക് ആനയിച്ചു. ഗീതാ ബാബുവിന്റെ ദൈവദശക ആലാപനത്തോടെയാണ് സമ്മേളനം ആരംഭിച്ചത്. തുഷാർ വെള്ളാപ്പള്ളിയുടെ പ്രസംഗം അവസാനിക്കും മുമ്പുതന്നെ യോഗം ജനറൽ സെക്രട്ടറി വെള്ളാപ്പള്ളി നടേശൻ ഭാര്യ പ്രീതി നടേശനോടൊപ്പം പ്രവേശന കവാടത്തിൽ എത്തിച്ചേർന്നു. തുടർന്ന് വേദിയിലെത്തിയ ജനറൽ സെക്രട്ടറിയെ മുദ്രാവാക്യം വിളിച്ചും കരഘോഷത്തോടെയും എഴുന്നേറ്റു നിന്ന് പ്രവർത്തകർ സ്വീകരിച്ചു. ജനറൽ സെക്രട്ടറി കൈകൂപ്പി സ്വീകരണം ഏറ്റുവാങ്ങി​. മഞ്ഞ ജമന്തി പൂക്കളാൽ നിർമ്മിച്ച പടുകൂറ്റൻ മാല ഇരു യൂണി​യനുകളി​ലെയും ഭാരവാഹികൾ ചേർന്ന് ജനറൽ സെക്രട്ടറി​യെ അണി​യി​ച്ചു. തുടർന്ന് തലപ്പാവ് ധരി​പ്പി​ച്ച് ദന്ധും കൈമാറി​. അയ്യപ്പ വിഗ്രഹം സമ്മാനിച്ചു. 30 സുവർണ വർഷങ്ങൾ ആലേഖനം ചെയ്ത കേക്ക് വേദിയിൽ വച്ച് മുറിച്ചു. തുടർന്ന് ജനറൽ സെക്രട്ടറി​യുടെ ഓരോ വാക്കും സദസ് ശ്രദ്ധയോടെ ശ്രവി​ച്ചു.

കരുത്തോടെ നേതൃനി​ര

യൂണിയൻ നേതാക്കളായ എ.സോമരാജൻ, കെ.സുശീലൻ, എസ്.ശോഭനൻ, അരിനല്ലൂർ സഞ്ജയൻ, കാരയിൽ അനീഷ്, കെ.പി.രാജൻ, കെ.ജെ.പ്രസേനൻ, കരുനാഗപ്പള്ളി യൂണിയൻ കൗൺസിലർമാരായ ക്ലാപ്പന ഷിബു, രാജൻ കാരമൂട്ടിൽ, ബിജു രവീന്ദ്രൻ, അനിൽ ബാലകൃഷ്ണൻ, കെ.ബി.ശ്രീകുമാർ, വി.എം. വിനോദ്കുമാർ, ടി.ഡി.ശരത് ചന്ദ്രൻ, യൂത്ത് മൂവ്മെന്റ് സംസ്ഥാന വൈസ് പ്രസിഡന്റ് ശർമ്മ സോമരാജൻ, വനിതാസംഘം പ്രസിഡന്റ് അംബികാദേവി, സെക്രട്ടറി മധുകുമാരി, സ്മിത, പെൺഷണേഴ്സ് യൂണിയൻ പ്രസിഡന്റ് കെ.കെ. വിശ്വനാഥൻ, എംപ്ലോയീസ് ഫോറം യൂണിയൻ സെക്രട്ടറി എ. അജിത്കുമാർ, യൂത്ത്മൂവ്മെന്റ് പ്രസിഡന്റ് വിപിൻലാൽ, സെക്രട്ടറി സഞ്ജു സന്തോഷ്, കായംകുളം ശ്രീനാരായണ സാംസ്കാരിക സമിതി ചെയർമാൻ പ്രൊഫ: പി. പദ്മകുമാർ, കൺവീനർ പള്ളിയമ്പിൽ ശ്രീകുമാർ, യോഗം ബോർഡ് മെമ്പർ സുധാകരൻ, ചവറ യൂണിയൻ കൗൺസിലർമാരായ എം.പി. ശ്രീകുമാർ, ഗണേശറാവു, ഓമനക്കുട്ടൻ, മുരളീധരൻ, കാർത്തികേയൻ, രഘു, പെൺഷണേഴ്സ് ഫോറം ഭാരവാഹികളായ മോഹൻ നിഖിലം, ശോഭകുമാർ, യൂത്ത്മൂവ്മെന്റ് ഭാരവാഹികളായ റോസ് ആനന്ദ്, ബിനു പള്ളിക്കോടി, ട്രസ്റ്റ്ബോ‌ർഡ് മെമ്പർ രാജേഷ് നിർമ്മൽ, വനിതാസംഘം ഭാരവാഹികളായ അപ്സര സുരേഷ്, സൈബർസേന മെമ്പർ സിബുലാൽ എന്നിവരാണ് നേതൃത്വം നൽകിയത്.