കൊല്ലം: ശ്രീശങ്കരാചാര്യ സംസ്കൃത സർവകലാശാല പന്മന ക്യാമ്പസിൽ വികസന സമിതി യോഗം ചേർന്നു. ഡോ.സുജിത്ത് വിജയൻ പിള്ള എം.എൽ.എ ഉദ്ഘാടനം ചെയ്തു.പന്മന പഞ്ചായത്ത് വൈസ് പ്രസിഡന്റ് പന്മന ബാലകൃഷ്ണൻ അദ്ധ്യക്ഷനായി. പുതിയ വിദ്യാഭ്യാസ രീതികൾക്ക് അനുയോജ്യമായ കോഴ്സുകൾ ആരംഭിക്കാനും നിലവിലുണ്ടായിരുന്ന കോഴ്സുകൾ പുനരാരംഭിക്കാനുമുള്ള നടപടികൾ സർവകലാശാലയുടെ ഭാഗത്തു നിന്നും ഉണ്ടാകണമെന്ന് സമിതി ആവശ്യപ്പെട്ടു. ക്യാമ്പസ് ഡയറക്ടർ ഡോ.കെ.ബി.ശെൽവമണി, മുൻ ക്യാമ്പസ് ഡയറക്ടർമാരായ ഡോ.എ.ഷീലാകുമാരി, ഡോ.കെ.പി.വിജയലക്ഷ്മി, മലയാളവിഭാഗം അദ്ധ്യാപകൻ ഡോ.എ.എസ്.പ്രതീഷ്, ചവറ സബ് ഇൻസ്പെക്ടർ ജി.ജയകുമാർ, ഫയർ ആൻഡ് റെസ്ക്യു ഓഫീസർ എ.ആർ.ജയരാജ് , ക്യാമ്പസ് യൂണിയൻ ചെയർപേഴ്സൺ എം.വിനു കൃഷ്ണൻ, ഡോ.സുരേഷ് മാധവ്, ഡോ.യു.അധീശ് , അഹമ്മദ് മൻസൂർ, വെറ്റമുക്ക് സോമൻ, അശ്വിൻ ബാബു എന്നിവർ സംസാരിച്ചു. സംസ്കൃതം വേദാന്തം വിഭാഗം അദ്ധ്യാപിക എൽ.ജ്യോതി നന്ദി പറഞ്ഞു.