കയ്പമംഗലം: എടത്തിരുത്തി പഞ്ചായത്ത് അതിദരിദ്രരില്ലാത്ത പഞ്ചായത്തായി പ്രഖ്യാപിച്ചു. പഞ്ചായത്തിലെ 40 കുടുംബങ്ങളെ അവരുടെ ക്ലേശഘടകങ്ങളെ പരിഗണിച്ച് പാർപ്പിടം, ആരോഗ്യം, മരുന്ന്, ഭക്ഷണം എന്നിവ ലഭ്യമാകുന്ന രീതിയിൽ സജ്ജീകരിച്ചിട്ടാണ് പ്രഖ്യാപനമുണ്ടായത്. ചെന്ത്രാപ്പിന്നി വി.കെ.കുമാരൻ ഹാളിൽ പ്രസിഡന്റ് ടി.കെ.ചന്ദ്രബാബുവിന്റെ അദ്ധ്യക്ഷതയിൽ നടന്ന ചടങ്ങിലായിരുന്നു പ്രഖ്യാപനം. ഇ.ടി.ടൈസൺ മാസ്റ്റർ എം.എൽ.എ ഉദ്ഘാടനം ചെയ്തു. പഞ്ചായത്ത് വൈസ് പ്രസിഡന്റ് ഷൈലജ രവീന്ദ്രൻ, സെക്രട്ടറി കെ.വി.സനീഷ്, സ്റ്റാൻഡിംഗ് കമ്മിറ്റി ചെയർമാൻ വാസന്തി തിലകൻ, ജില്ലാ പഞ്ചായത്ത് അംഗം കെ.എസ്.ജയ, ആസൂത്രണ സമിതി ഉപാധ്യക്ഷൻ വി.കെ.ജ്യോതിപ്രകാശ്, പഞ്ചായത്തംഗങ്ങളായ സജീഷ് സത്യൻ, സിനിത വത്സൻ, ഷൈജ ഷാനവാസ്, ഷിനി സതീഷ്, എ.വി.ഗിരിജ, സാജിത പുതിയവീട്ടിൽ, ഫാത്തിമ അഷറഫ്, പി.എ.ഷമീർ, അസിസ്റ്റന്റ് സെക്രട്ടറി ടെസി, വി.ഇ.ഒമാരായ ഷിനി, പ്രജിത പ്രകാശ്, സി.ഡി.എസ് ചെയർപേഴ്‌സൺ ശ്രീദേവി ദിനേഷ് തുടങ്ങിയവർ പങ്കെടുത്തു.