ആമ്പല്ലൂർ : ലോക ഭക്ഷ്യ ദിനത്തോട് അനുബന്ധിച്ച് അളഗപ്പ നഗർ പഞ്ചായത്ത് ഹയർ സെക്കൻഡറി സ്‌കൂളിൽ നാടൻ പലഹാരമേള സംഘടിപ്പിച്ചു. ഓട്ടട, ഉണ്ണിയപ്പം, കുമ്പളപ്പം, കൊഴുക്കട്ട, ഉന്നക്കായ തുടങ്ങിയവ വ്യത്യസ്ത രൂപങ്ങളിലൂടെ നാവിൽ മധുരം വിളയിച്ചപ്പോൾ ദോശ, ഇഡലി വൈവിദ്ധ്യങ്ങളും ബീറ്റ്‌റൂട്ടും ചെറുപയർ തോരനും ക്യാരറ്റും ചേർത്തുള്ള ഉപ്പുമാവുകളും അൽപ്പം എരിവ് പകർന്നു. പ്രധാനദ്ധ്യാാപിക സിനി എം.കുര്യാക്കോസ് മേള ഉദ്ഘാടനം ചെയ്തു. പി.ടി.എ പ്രസിഡന്റ് എൻ.എസ്.ശാലിനി അദ്ധ്യക്ഷയായി. എം.ആർ.രേണുദാസ്, എം.ബി.സജീഷ് എന്നിവർ സംസാരിച്ചു.