കൊടുങ്ങല്ലൂർ : സംസ്ഥാന വിനോദസഞ്ചാര വകുപ്പ് സംഘടിപ്പിക്കുന്ന ചാമ്പ്യൻസ് ബോട്ട് ലീഗ് മത്സരം കോട്ടപ്പുറം കായലിൽ 25ന് നടത്തും. ഉച്ചയ്ക്ക് ഒന്നരയ്ക്ക് മന്ത്രി കെ.രാജൻ ജലമേളയുടെ ഉദ്ഘാടനം നിർവഹിക്കും വി.ആർ.സുനിൽകുമാർ എം.എൽ.എ അദ്ധ്യക്ഷത വഹിക്കും. ബെന്നി ബഹനാൻ എം.പി, ജില്ലാ പഞ്ചായത്ത് പ്രസിഡന്റ് വി.എസ്.പ്രിൻസ്, കളക്ടർ അർജുൻ പാണ്ഡ്യൻ എന്നിവർ മുഖ്യാതിഥികളാകും.
ഒമ്പത് ജലരാജാക്കന്മാർ മാറ്റുരയ്ക്കുന്ന ഈ ജലമേളയ്ക്ക് മാറ്റുകൂട്ടാൻ മുസിരീസ് ബോർഡ് ക്ലബ്ബിന്റെ ആഭിമുഖ്യത്തിൽ വി.കെ.രാജൻ മെമ്മോറിയൽ ട്രോഫിക്കും കെ.ഡി.കുഞ്ഞപ്പൻ മെമ്മോറിയൽ ട്രോഫിക്കുമായുള്ള ഇരുട്ടുകുത്തി ഓടിവള്ളങ്ങളെയും ക്ലബ്ബുകളെയും പങ്കെടുപ്പിച്ചുള്ള മുസിരിസ് ജലോത്സവം ഇതോടൊപ്പം സംഘടിപ്പിക്കും. സാംസ്‌കാരിക സമ്മേളനവും, കലാപരിപാടികളും നടക്കും. സംഘാടക സമിതി ഓഫീസ് കോട്ടപ്പുറത്ത് വി.ആർ.സുനിൽ കുമാർ എം.എൽ.എ ഉദ്ഘാടനം ചെയ്തു. നഗരസഭാ ചെയർപേഴ്‌സൺ ടി.കെ.ഗീത അദ്ധ്യക്ഷയായി. കെ.എസ്.കൈസാബ്, കെ.ആർ.ജൈത്രൻ, എൽസി പോൾ, ബീന ശിവദാസ് , ഫ്രാൻസിസ് ബേക്കൺ, ദിനിൽ മാധവ്, ഒ.സി.ജോസഫ്, പി.പി.രഘുനാഥ്, സി.വി.ഉണ്ണികൃഷ്ണൻ എന്നിവർ പ്രസംഗിച്ചു.