തിരുവനന്തപുരം: എസ്.എൻ.ഡി.പി യോഗം നേമം യൂണിയൻ മേഖല സമ്മേളനങ്ങൾ പൂർത്തിയായി. ബാലരാമപുരം,നടുക്കാട്, വിളപ്പിൽ മേഖലകളിലാണ് യൂണിയൻ സമ്മേളനങ്ങൾ സംഘടിപ്പിച്ചത്. സമ്മേളനങ്ങൾ യൂണിയൻ സെക്രട്ടറി മേലാംകോട് വി.സുധാകരൻ ഉദ്ഘാടനം ചെയ്തു.യൂണിയൻ പ്രസിഡന്റ് സുപ്രിയ സുരേന്ദ്രൻ അദ്ധ്യക്ഷത വഹിച്ചു. ഒക്ടോബർ 10ന് നെയ്യാ​റ്റിൻകര എസ്.എൻ ഓഡിറ്റോറിയത്തിൽ നടക്കുന്ന ശാഖാതല നേതൃസംഗമം വിജയിപ്പിക്കുന്നതിന് നിർദ്ദേശങ്ങൾ നൽകി. യൂണിയൻ വൈസ് പ്രസിഡന്റ് ഊരുട്ടമ്പലം ജയചന്ദ്രൻ, മേഖല കൺവീനർ എസ്.എൻ.ഡി.പി യോഗം ഡയറക്ടർ ബോർഡംഗം നടുക്കാട് ബാബുരാജ്, യോഗം ഡയറക്ടർ ബോർഡംഗം വിളപ്പിൽ ചന്ദ്രൻ, കൗൺസിലർമാരായ ജി.പങ്കജാക്ഷൻ, റസ്സൽപുരം ഷാജി, രാജേഷ് ശർമ്മ, താന്നിവിള മോഹനൻ,പാട്ടത്തിൽ രഞ്ജിൻ, പാമാംകോട് സനൽ, സജീവ് കുമാർ രാംദേവ്, യൂത്ത് മൂവ്‌മെന്റ് യൂണിയൻ പ്രസിഡന്റ് ധനുഷ് വില്ലികുളം, സെക്രട്ടറി മേലാംകോട് അരുൺ ബാബു, വനിതാസംഘം യൂണിയൻ പ്രസിഡന്റ് ശ്രീദേവി പടിഞ്ഞാ​റ്റിൽ, സെക്രട്ടറി ശ്രീലേഖ, സെബർ സെൽ കൺവീനർ വിളപ്പിൽ ഷിബു എന്നിവർ സംസാരിച്ചു.