നേമം: നേമം പഞ്ചായത്ത് ഓഫീസ് ഇനി മുതൽ സോളാറിൽ പ്രവർത്തിയ്ക്കും. 14 കിലോ വാട്ട് പീക്കുള്ള സൗരോർജ്ജ പ്ലാന്റും, 45 കിലോ വാട്ടിന്റെ 26 സോളാർ പാനലുകളാണ് സ്ഥാപിച്ചത്. സോളാർ പാനലിന്റെ ഉദ്ഘാടനം നേമം ബ്ലോക്ക് പഞ്ചായത്ത് പ്രസിഡന്റ് അഡ്വ. എസ്.കെ. പ്രീജ നിർവഹിച്ചു.

അതിനുപുറമെ 14 കിലോ വാട്ടിന്റെ ഓൺ ഗ്രിഡ് ഇൻവർട്ടറും പാനലുകൾ ക്ലീൻ ചെയ്യുവാനുള്ള നടപ്പാതയും നിർമ്മിച്ചിട്ടുണ്ട്.നല്ല സൂര്യപ്രകാശമുള്ള ദിവസം 70 യൂണിറ്റ് വൈദ്യുതി വരെ ഈ പ്ലാന്റിൽ നിന്നും ഉത്പാദിപ്പിക്കാൻ കഴിയും.

നേമം ബ്ലോക്ക് പഞ്ചായത്ത് വൈസ് പ്രസിഡന്റ് എസ്. ചന്ദ്രൻ നായർ അദ്ധ്യക്ഷനായി. വികസനകാര്യ സ്റ്റാൻഡിം കമ്മിറ്റി ചെയർപേഴ്സൺ ആർ.എസ്. വസന്തകുമാരി, ബ്ലോക്ക് പഞ്ചായത്ത് അംഗങ്ങളായ രജിത് ബാലകൃഷ്ണൻ,അജികുമാർ,അഖില, ജയലക്ഷ്മി,മഞ്ചു,ശോഭനകുമാരി,മാക്സ് ഗ്രീൻ ഇൻഫ്രാസ്ട്രക്ച്ചർ സ്ഥാപന പ്രതിനിധികൾ,ബ്ലോക്കിലെയും ഘടക സ്ഥാപനങ്ങളിലെയും ഉദ്യോഗസ്ഥർ തുടങ്ങിയവർ പങ്കെടുത്തു.