തിരുവനന്തപുരം: 67-ാമത് സംസ്ഥാന സ്കൂൾ ഗെയിംസ് മത്സരങ്ങളുടെ ഗ്രൂപ്പ് വൺ മത്സരങ്ങളിൽ തിരുവനന്തപുരം സെന്റ് ജോസഫ് ഹയർ സെക്കൻഡറി സ്കൂളിലെ ജിംനാസ്റ്റിക്‌സ് ടീം,​ തുടർച്ചയായി നാലാം വർഷവും സംസ്ഥാന ചാമ്പ്യന്മാരായി.സബ് ജൂനിയർ വിഭാഗത്തിൽ ഹരിഗോവിന്ദ്.ജി.ആർ ഓവറാൾ ചാമ്പ്യനും,​രോഹിത്.ആർ.ജി രണ്ടാം ഓവറാൾ ചാമ്പ്യനുമായി.ഇഷാൻ രാജ്.സി രണ്ട് വെള്ളിയും മൂന്ന് വെങ്കലവും കരസ്ഥമാക്കി.ജൂനിയർ വിഭാഗത്തിൽ ശ്രീരാഗ്.എസ്.രാജേഷ് രണ്ടാം ഓവറാൾ ചാമ്പ്യനായി.ശിവപാൽ.ജെ,ആദർശ്.എസ്,റിയാൻ അലി.കെ.പി,​നിബിൻ സാം എന്നിവരുടെയും പ്രകടനങ്ങൾ വിജയത്തിന് കരുത്ത് നൽകി.

സീനിയർ വിഭാഗത്തിൽ മിൻഹാജ്.എസ്.സാജ് ഓവറാൾ ചാമ്പ്യനായി.ഡിബിൻ.ബി.എസ് ഒരു വെള്ളിയും ഒരു വെങ്കലവും കരസ്ഥമാക്കി.വിജയികളെ സ്കൂൾ മാനേജർ ഫാ.ജെറോം അൽഫോൺസ്,​പ്രിൻസിപ്പൽ സുനിൽകുമാർ മൊറൈസ്,ഹെഡ്മാസ്റ്റർ ഷമ്മി ലോറൻസ്,ഫിസിക്കൽ എഡ്യുക്കേഷൻ അദ്ധ്യാപകരായ മനോജ് സേവ്യർ,ജോൺ ബോസ്കോ എന്നിവർ അഭിനന്ദിച്ചു.