തിരുവനന്തപുരം:സംസ്ഥാന ജൈവ വൈവിധ്യ അവാർഡ് ദാനവും സമ്പർക്ക സദസും 7ന് നിയമസഭാ മന്ദിരത്തിലെ ശങ്കരനാരായണൻ തമ്പി ഹാളിൽ നടക്കും.വൈകിട്ട് 5.30ന് മുഖ്യമന്ത്രി പിണറായി വിജയൻ ഉദ്ഘാടനം ചെയ്യും.സ്പീക്കർ എ.എൻ.ഷംസീർ അദ്ധ്യക്ഷനാകും. മന്ത്രി എം.ബി. രാജേഷ്,പ്രതിപക്ഷ നേതാവ് വി.ഡി. സതീശൻ എന്നിവർ മുഖ്യാതിഥികളാകും. ജൈവവൈവിധ്യ ബോർഡിന്റെ പ്രസിദ്ധീകരണങ്ങളുടെ പ്രകാശനവും ഉണ്ടാകുന്നതാണ്.

ചടങ്ങിന്റെ ആദ്യഘട്ടം വൈകിട്ട് 5:30 മുതൽ 6:30 വരെ നടക്കും. ഇതിൽ പുരസ്‌കാര വിതരണവും വിവിധ രേഖകളുടെ പ്രകാശനവും ഉൾപ്പെടും.പുതുക്കിയ ''കേരള ജൈവവൈവിധ്യ പരിപാലന കർമ്മപദ്ധതി രേഖയും ബോർഡിന്റെ '20 വർഷ പ്രവർത്തന റിപ്പോർട്ടും' ഔദ്യോഗികമായി ചടങ്ങിൽപ്രകാശനം ചെയ്യും. തുടർന്ന് വൈകിട്ട് 6:30 മുതൽ 7:30 വരെ പാനൽ ചർച്ച, എം.എൽ.എ.മാരുമായി ജൈവവൈവിധ്യ സമ്പർക്ക സദസ്സ് എന്നിവ നടക്കും.