കോവളം: വെങ്ങാനൂർ പഞ്ചായത്തിൽ ആഴാകുളം വാർഡിൽ നിർമ്മിച്ച സ്മാർട്ട് അങ്കണവാടിയുടെ ഉദ്ഘാടനം ജില്ലാ പഞ്ചായത്ത് പ്രസിഡന്റ് അഡ്വ.ഡി.സുരേഷ് കുമാറും കെട്ടിടത്തിന്റെ ഒന്നാം നിലയുടെ നിർമ്മാണോദ്ഘാടനം ജില്ലാ പഞ്ചായത്തംഗം ഭഗത് റൂഫസും നിർവഹിച്ചു. പഞ്ചായത്ത് പ്രസിഡന്റ് വിജയപ്രദീപൻ അദ്ധ്യക്ഷനായി. ബ്ലോക്ക് പഞ്ചായത്ത് പ്രസിഡന്റ് റാണി, മുൻ പഞ്ചായത്ത് പ്രസിഡന്റ് ആർ.എസ്.ശ്രീകുമാർ, വാർഡ് മെമ്പർമാരായ അജിതാശശിധരൻ, രാധാകൃഷ്ണൻ, ബൈജു, മനോജ്,അഷ്ടപാലൻ,പ്രമീള, ജയ നളിനാക്ഷൻ, സി.ഡി.പി.ഒ ശിവപ്രിയ എന്നിവർ പങ്കെടുത്തു. വാർഡ് മെമ്പർ എസ്.ചിത്രലേഖ സ്വാഗതവും ഐ.സി.ഡി.എസ് സൂപ്പർവൈസർ കവിത നന്ദിയും പറഞ്ഞു. വനിതാ ശിശു വികസന വകുപ്പ്,ജില്ലാ പഞ്ചായത്ത്,ബ്ലോക്ക് പഞ്ചായത്ത്, ഗ്രാമപഞ്ചായത്ത് എന്നിവ സംയുക്തമായാണ് പദ്ധതി നടപ്പിലാക്കിയത്.