കല്ലമ്പലം: കിളിമാനൂർ ഗവ.ഹയർ സെക്കൻഡറി സ്കൂളിലും കിളിമാനൂർ ആർ.ആർ.വി.എച്ച്.എസ്.എസിലും നടന്ന സബ്ജില്ലാ ശാസ്ത്രമേളയിൽ കെ.ടി.സി.ടി ഹയർ സെക്കൻഡറി സ്കൂളിന് ഓവറാൾ കിരീടം. 906 പോയിന്റ് നേടിയാണ് വിജയം ആവർത്തിച്ചത്. 827 പോയിന്റ് നേടി കിളിമാനൂർ ഗവ.എച്ച്.എസ്.എസ് രണ്ടാം സ്ഥാനവും 704 പോയിന്റ് നേടി തട്ടത്തുമല ഗവ.ഹയർ സെക്കൻഡറി സ്കൂൾ മൂന്നാം സ്ഥാനവും കരസ്ഥമാക്കി. ശാസ്ത്രമേളയിൽ ഹൈസ്കൂൾ, ഹയർ സെക്കൻഡറി വിഭാഗങ്ങളിൽ രണ്ടാം സ്ഥാനവും ഗണിതശാസ്ത്രമേളയിൽ യു.പി, എച്ച്.എസ്, വിഭാഗങ്ങളിൽ ഒന്നാം സ്ഥാനവും, സോഷ്യൽ സയൻസ് മേളയിൽ ഹയർ സെക്കൻഡറി വിഭാഗത്തിൽ ഒന്നാം സ്ഥാനവും, ഐ.ടി മേളയിൽ ഹൈസ്കൂൾ വിഭാഗത്തിൽ ഒന്നാം സ്ഥാനവും നേടി. ഗണിതശാസ്ത്രം, സോഷ്യൽ സയൻസ്, ഐ.ടി വിഭാഗങ്ങളിൽ ബെസ്റ്റ് സ്കൂൾ അവാർഡും കരസ്ഥമാക്കി. അറുപതിലധികം കുട്ടികൾ നെയ്യാറ്റിൻകരയിൽ നടക്കുന്ന ജില്ലാതല ശാസ്ത്രമേളിൽ മാറ്റുരയ്ക്കും. പങ്കെടുത്ത വിദ്യാർത്ഥികളെയും അദ്ധ്യാപക-അനദ്ധ്യാപകരെയും സ്കൂളിൽ നടന്ന അനുമോദന ചടങ്ങിൽ പ്രിൻസിപ്പൽ പി.സജി, ഹയർസെക്കൻഡറി പ്രിൻസിപ്പൽ എം.എസ്.ബിജോയ്, ഹൈസ്കൂൾ പ്രിൻസിപ്പൽ എം.എൻ.മീര, സ്കൂൾ ചെയർമാൻ എ.നഹാസ്, കൺവീനർ യു.അബ്ദുൽ കലാം എന്നിവർ അനുമോദിച്ചു.