പൂവാർ: പുല്ലുവിള സാമൂഹ്യാരോഗ്യ കേന്ദ്രത്തിൽ അതിയന്നൂർ ബ്ലോക്ക് പഞ്ചായത്ത് 35 ലക്ഷം രൂപ ഉപയോഗിച്ച് നിർമ്മിച്ച പുതിയ എക്സ്റേ യൂണിറ്റിന്റെയും നവീകരിച്ച ബ്ലോക്കിന്റെയും ഉദ്ഘാടനം മന്ത്രി വീണ ജോർജ് ഓൺലൈനായി നിർവഹിച്ചു. അഡ്വ.എം.വിൻസന്റ് എം.എൽ.എ അദ്ധ്യക്ഷനായി. ബ്ലോക്ക് പഞ്ചായത്ത് പ്രസിഡന്റ് എൽ റാണി, കരുംകുളം പഞ്ചായത്ത് പ്രസിഡന്റ് ഫ്രീഡാ സൈമൺ, ബ്ലോക്ക് പഞ്ചായത്ത് വികസനകാര്യ സ്റ്റാൻഡിംഗ് കമ്മിറ്റി ചെയർമാൻ ജി.ഹെസ്റ്റിൻ, ആരോഗ്യ വിദ്യാഭ്യാസ സ്റ്റാൻഡിംഗ് കമ്മിറ്റി ചെയർമാൻ സി.എസ്.വിഷ്ണുപ്രശാന്ത്, ബ്ലോക്ക് പഞ്ചായത്ത് അംഗങ്ങളായ എം.വി.മൻമോഹൻ,ഡി.സുനീഷ്, എസ്.ജയകുമാരി, ബി.ജനറ്റ്, കരുംകുളം പഞ്ചായത്ത് അംഗം പി.ജെനി, സി.പി.എം ജില്ലാ കമ്മിറ്റി അംഗം പി.രാജേന്ദ്രകുമാർ, അലിയാർ ചാരിറ്റബിൾ സൊസൈറ്റി സെക്രട്ടറി എസ്.അജിത്ത്, ജനതാദൾ എസ് സംസ്ഥാന കമ്മിറ്റി അംഗം കരുംകുളം വിജയകുമാർ എന്നിവർ പങ്കെടുത്തു. മെഡിക്കൽ ഓഫീസർ ഇൻ ചാർജ് ഡോ.എസ്.മിനി റിപ്പോർട്ട് അവതരിപ്പിച്ചു.