തിരുവനന്തപുരം: പിണറായി സർക്കാരിൽ സി.പി.ഐ സംസ്ഥാന സെക്രട്ടറി ബിനോയ് വിശ്വത്തേക്കാൾ സ്വാധീനം ബി.ജപി സംസ്ഥാന പ്രസിഡന്റ് രാജീവ് ചന്ദ്രശേഖറിനാണെന്ന് കെ.മുരളീധരൻ. പ്രൈവറ്റ് കോളേജ് ടീച്ചേഴ്സ് അസോസിയേഷൻ രക്തസാക്ഷി മണ്ഡപത്തിനു മുന്നിൽ സംഘടിപ്പിച്ച ധർണ ഉദ്ഘാടനം ചെയ്യുകയായിരുന്നു അദ്ദേഹം. ഉന്നത വിദ്യാഭ്യാസ മേഖലയിലെ വിദ്യാർത്ഥികളുടെ ആശങ്കകൾ പരിഹരിക്കുക,സർവകലാശാലകളുടെ സ്വയംഭരണം ഉറപ്പാക്കുക,റദ്ദാക്കിയ 3000 കോളേജ് അദ്ധ്യാപക തസ്തികകൾ പുനഃസ്ഥാപിക്കുക,ക്ഷാമബത്ത കുടിശ്ശിക അനുവദിക്കുക തുടങ്ങിയ ആവശ്യങ്ങൾ ഉന്നയിച്ചാണ് ധർണ നടത്തിയത്. സംസ്ഥാന പ്രസിഡന്റ് ഡോ. പ്രേമചന്ദ്രൻ കീഴോത്ത് അദ്ധ്യക്ഷനായി. മുൻമന്ത്രി വി.എസ്. ശിവകുമാർ മുഖ്യപ്രഭാഷണം നടത്തി. റോണി ജോർജ്, കെ.എസ്. ഗോപകുമാർ, അഹമ്മദ് ഫസിൽ, ഡോ. എബിൻ മാത്യു, ഡോ. യു. അബ്ദുൽ കലാം എന്നിവർ പ്രസംഗിച്ചു.

caption പ്രൈവറ്റ് കോളേജ് ടീച്ചേഴ്സ് അസോസിയേഷൻ രക്തസാക്ഷി മണ്ഡപത്തിനു മുന്നിൽ സംഘടിപ്പിച്ച ധർണ കെ.മുരളീധരൻ ഉദ്ഘാടനം ചെയ്യുന്നു