കായംകുളം : ഇല്ലിക്കുളം റെയിൽവേ അടിപ്പാതയിലൂടെയുള്ള റോഡ് തകർന്നതിനെത്തുടർന്ന് യാത്രക്കാർ ദുരിതത്തിൽ. കെ.പി.എ.സി ജംഗ്ഷൻ - ലക്ഷ്മി തീയേറ്റർ റോഡിൽ നിന്ന് ചേരാവള്ളി റോഡിലേക്ക് കയറുന്നത് ഇല്ലിക്കുളം റെയിൽവേ അടിപ്പാത റോഡിലൂടെയാണ്.
ഇവിടെ റോഡ് തകർന്ന് കുഴികളിൽ വെള്ളം കെട്ടിക്കുടക്കുകയാണ്. 100 മീറ്ററോളം ദൂരത്തിലാണ് റോഡ് തകർന്നത്. കെ.പിറോഡിൽ റെയിൽവേ മേൽപ്പാലത്തിന്റെ തെക്ക്ഭാഗത്തായാണ് ഇല്ലിക്കുളം അടിപ്പാത.
കെ.പി റോഡിൽ ഗതാഗതക്കുരുക്കുണ്ടായാൽ ഇരുചക്രവാഹനങ്ങളും ചെറിയവാഹനങ്ങളും ഇതുവഴിയാണ് കടത്തി വിടുന്നത്. കൂടാതെ ലക്ഷ്മി തീയേറ്റർ ജംഗ്ഷനിൽ നിന്ന് ചേരാവള്ളി ഭാഗത്തേക്കുള്ള എളുപ്പവഴിയുമാണ് റെയിൽവേ അടിപ്പാത റോഡ്.
ഇവിടെ ഇരുചക്രവാഹനങ്ങളിൽ യാത്ര ചെയ്യുന്നവരും നടന്നുപോകുന്നവരും തെന്നിവീഴുന്നത് പതിവാണ്
റോഡ് തകർന്ന് കിടക്കുന്നത് കാരണം ഓട്ടോറിക്ഷക്കാരുൾപ്പെടെ ഇതുവഴി വരാൻ മടിക്കുകയാണ്
റോഡിലെ കുഴികളിലെ വെള്ളം ഇരുചക്രവാഹനങ്ങളിൽ പോകുന്നവർക്കും നടന്നുപോകുന്നവർക്കും ഭീഷണിയാണ്
വാഹനങ്ങൾ കടന്നുപോകുമ്പോൾ വെള്ളം തെറിക്കുന്നത് നടന്നുപോകുന്നവർക്കും ബുദ്ധിമുട്ടുണ്ടാക്കുന്നുണ്ട്.
വിദ്യാർഥികൾ ഉൾപ്പെടെ ദിവസവും നൂറുകണക്കിന് പേരാണ് ഇതുവഴി കടന്നുപോകുന്നത്. കെ.പിറോഡിനേക്കാളും വാഹനത്തിരക്ക് കുറവായതിനാൽ സ്‌കൂൾ കുട്ടികൾ സൈക്കിളിലും നടന്നുമൊക്കെ പോകാൻ ഈ റോഡിയാണ് ആശ്രയിക്കുന്നത്
- നാട്ടുകാർ