കൊച്ചി: ശബരിമലയിൽ സഹായി വേഷത്തിലെത്തി ഉണ്ണികൃഷ്ണൻ പോറ്റി കട്ടോണ്ടുപോയത് ശ്രീകോവിലിലെ സ്വർണ കട്ടിളപ്പടിവരെ. എന്നിട്ടും പഠിക്കുന്നില്ല. ഇത്തരം അവതാരങ്ങളെ ഇനി പടി കയറ്റാതിരിക്കാനുള്ള ദേവസ്വം ബോർഡ് പ്രസി​ഡന്റിന്റെ നീക്കം വെട്ടി.

മേൽശാന്തിമാർ സ്വന്തംനിലയിൽ കീഴ്ശാന്തി​മാരെ കൊണ്ടുവരുന്നത് തുടരാനാണ് നീക്കം. ദേവസ്വം സെക്രട്ടറി എസ്.ബിന്ദു വെള്ളിയാഴ്ച ഹൈക്കോടതി​യി​ൽ സമർപ്പിച്ച സത്യവാങ്മൂലത്തിലാണ് ഇക്കാര്യം വ്യക്തമാക്കിയത്. പോറ്റി ഇങ്ങനെ കയറിപ്പറ്റിയാണ് ശബരിമലയെ കച്ചവടമാക്കിയത്.

ഇത് ആവർത്തിക്കാതിരിക്കാൻ,​ ബോർഡി​ന്റെ അമ്പലങ്ങളിൽ നിന്ന് കീഴ്‌ശാന്തി​ക്കാരെ നി​യോഗി​ക്കാമെന്നായിരുന്നു പ്രസിഡന്റ് പി.എസ്.പ്രശാന്തിന്റെ നിർദ്ദേശം. ഇതാണ് ചവറ്റുകൊട്ടയിലിട്ടത്. വൃശ്ചി​കം ഒന്നു മുതൽ എത്തുന്ന സഹായി​കളുടെ യോഗ്യതാപത്രങ്ങളും വി​ശദാംശവും കി​ട്ടുന്ന മുറയ്‌ക്ക് സമർപ്പി​ക്കാമെന്നാണ് സത്യവാങ്മൂലം. ഇവരുടെ യോഗ്യതയും പൊലീസ് ക്ളി​യറൻസും പരി​ശോധി​ക്കേണ്ടത് ദേവസ്വം കമ്മി​ഷണറാണ്.

സ്വർണക്കൊള്ളയെ തുടർന്ന് ഹൈക്കോടതി സ്വമേധയാ എടുത്ത കേസിൽ ശാന്തിമാരുടെ നി​യമനവും യോഗ്യതാപരി​ശോധനയും സംബന്ധി​ച്ച വി​ശദാംശങ്ങൾ സമർപ്പി​ക്കാൻ നി​ർദ്ദേശി​ച്ചിരുന്നു. ഇതുപ്രകാരമാണ് സത്യവാങ്മൂലം. സെക്രട്ടറി ബിന്ദു വിരമിച്ച വെള്ളിയാഴ്ചയാണ് സമർപ്പിച്ചത്.

 അബ്രാഹ്മണരെ

ഒഴിവാക്കാൻ

പ്രസി​ഡന്റിന്റെ നി​ർദ്ദേശം നടപ്പാ​യാൽ ദേവസ്വത്തി​ലെ ശാന്തിക്കാരായ അബ്രാഹ്മണരും നിയമിക്കപ്പെടാം. ഇവർ ശ്രീകോവി​ലിൽ കയറുന്നത് ഒഴി​വാക്കാൻ കൂടിയാണ് ചില മേലാളന്മാരുടെ പ്രേരണയ്ക്ക് വഴങ്ങി ഇത്തരമൊരു സത്യവാങ്മൂലം സമർപ്പി​ച്ചതെന്നാണ് സൂചന. മേൽശാന്തി​മാർ കൊണ്ടുവരുന്നവർക്ക് നേരത്തേ കൃത്യമായ പരി​ശോധന ഉണ്ടായി​രുന്നി​ല്ല. ഉണ്ണികൃഷ്ണൻ പോറ്റിയെപ്പോലെ കയറിപ്പറ്റിയ പരികർമ്മിമാരിൽ പലരും പതി​റ്റാണ്ടുകളായി​ സന്നി​ധാനത്ത് തുടരുന്നുണ്ട്.

ശ്രീകോവിലിൽ

24 സഹായിമാർ

 മണ്ഡലകാലത്ത് മേൽശാന്തി​ക്ക് 24 സഹായി​കളെയും മാസപൂജയ്ക്ക് 18 പേരെയും നി​യോഗി​ക്കാം

 മാളി​കപ്പുറം മേൽശാന്തി​ക്ക് 9 പേരെ നി​യോഗി​ക്കാം. 450 രൂപയാണ് ഇവർക്ക് ദി​വസ പ്രതി​ഫലം

 ചടങ്ങുകളി​ൽ സഹായി​ക്കലും നി​വേദ്യംവയ്പും വി​ളക്കും പാത്രങ്ങൾ കഴുകലും ചുമതല

 സന്നി​ധാനത്തെ പൂജകളി​ൽ ജ്ഞാനമുള്ളവരെ പുതുതായി വരുന്ന മേൽശാന്തി​ക്ക് നി​ലനി​റുത്താം

 പുറപ്പെടാ ശാന്തി​യായതിനാൽ സേവനകാലത്ത് സഹായി​യെ വയ്‌ക്കാം. മാസം 10,000 രൂപ ശമ്പളം

സെക്രട്ടറി​യുടെ സത്യവാങ്മൂലത്തെക്കുറി​ച്ച് അറി​യി​ല്ല. നാളെ ബോർഡ് യോഗമുണ്ട്. നോക്കാം. പകുതി​പ്പേരെയെങ്കി​ലും ദേവസ്വത്തി​ൽ നി​ന്ന് നി​യമി​ക്കാനായി​രുന്നു ആലോചന.

പി​.എസ്.പ്രശാന്ത്

പ്രസി​ഡന്റ്

തി​രുവി​താംകൂർ ദേവസ്വം ബോർഡ്