പെരുമ്പാവൂർ: വാഴക്കുളം ബ്ലോക്ക് പഞ്ചായത്ത് മാറമ്പിള്ളി ഡിവിഷൻ നോർത്ത് എഴിപ്രം വാർഡിൽ അഡ്വ. ഹാരിസ് ബീരാൻ എം.പിയുടെ പ്രാദേശിക വികസനഫണ്ടിൽനിന്ന് 5.50 ലക്ഷംരൂപ ചെലവഴിച്ച് നിർമ്മിച്ച ഹൈമാസ്റ്റ് ലൈറ്റിന്റെ സ്വിച്ച്ഓൺ കർമ്മം അഡ്വ. ഹാരിസ് ബീരാൻ എം.പി നിർവഹിച്ചു. ബ്ലോക്ക് പഞ്ചായത്ത് ക്ഷേമകാര്യ സ്റ്റാൻഡിംഗ് കമ്മിറ്റി ചെയർപേഴ്സൺ ഷാജിത നൗഷാദ് അദ്ധ്യക്ഷയായി. വാർഡ് മെമ്പർ ഫസീല ഷംനാദ്, മുസ്ലിംലീഗ് ജില്ലാ പ്രസിഡന്റ് എൻ.വി.സി അഹമ്മദ്, ബ്ലോക്ക് പഞ്ചായത്ത് മെമ്പർ ഷമീർ തുകലിൽ, മാറമ്പള്ളി സഹകരണബാങ്ക് പ്രസിഡന്റ് ശാരദ, കെ.കെ. ഷാജഹാൻ എന്നിവർ സംസാരിച്ചു.