പറവൂർ: പറവൂർ ബ്ലോക്ക് പഞ്ചായത്തിന്റെ പരിധിയിലുള്ള യു.പി, ഹൈസ്കൂൾ, ഹയർസെക്കൻഡറി സ്കൂളുകളിലെ മുഴുവൻ വിദ്യാർത്ഥിനികൾക്കും ഷീപാഡും സ്കൂളുകളിൽ ഇൻസിനറേറ്ററും വിതരണം ചെയ്തു. ബ്ളോക്ക് പഞ്ചായത്ത് മാലിന്യമുക്തം കേരളം ക്യാമ്പയിന്റെ ഭാഗമായി 23ലക്ഷംരൂപ ചെലവിട്ടാണ് പദ്ധതി നടപ്പിലാക്കിയത്. ബ്ലോക്കുതല ഉദ്ഘാടനം പാലിയം ഗവ. ഹയർസെക്കൻഡറി സ്കൂളിൽ ബ്ലോക്ക് വൈസ് പ്രസിഡന്റ് കെ.എസ്. സനീഷ് നിർവഹിച്ചു. ചേന്ദമംഗലം ഗ്രാമപഞ്ചായത്ത് പ്രസിഡന്റ് ലീന വിശ്വൻ അദ്ധ്യക്ഷയായി. വൈസ് പ്രസിഡന്റ് വി.യു. ശ്രീജിത്ത്, നിത സ്റ്റാലിൻ, ജെൻസി തോമസ്, ഷിപ്പി സെബാസ്റ്റ്യൻ, ഷൈബി തോമസ്, സുനിത രാമചന്ദ്രൻ, എ.എ. അജയൻ എന്നിവർ സംസാരിച്ചു.