തൊടുപുഴ: അഗ്നിരക്ഷാ നിലയങ്ങളിൽ സിവിൽ ഡിഫൻസ് സന്നദ്ധ പ്രവർത്തകരെ തിരഞ്ഞെടുക്കുന്നു. 18 വയസ് പൂർത്തിയായതും ആരോഗ്യമുള്ളവരുമായ സേവന സന്നദ്ധരുമായ സ്ത്രീ- പുരുഷന്മാർക്ക് അംഗങ്ങളായി ചേരാം. തിരഞ്ഞെടുക്കപ്പെടുന്നവർക്ക് ഫസ്റ്റ് എയ്ഡ് സംബന്ധിച്ചും അഗ്നിസുരക്ഷയെ സംബന്ധിച്ചും ഏഴു ദിവസത്തെ ട്രെയിനിംങ് നൽകും. 250 രൂപയും താമസവും ഭക്ഷണ സൗകര്യവും ഉണ്ടായിരിക്കും. താത്പര്യമുള്ളവർ http://www.fire.kerala.gov.in എന്ന വെബ് സൈറ്റിൽ പേര് രജിസ്റ്റർ ചെയ്യണം.