കട്ടപ്പന: ബി.ഡി.ജെ.എസ് ഇടുക്കി നിയോജകമണ്ഡലം കമ്മിറ്റി ഓഫീസ് കട്ടപ്പനയിൽ സംസ്ഥാന വൈസ് പ്രസിഡന്റ് അഡ്വ. സംഗീത വിശ്വനാഥൻ ഉദ്ഘാടനം ചെയ്തു. കേരളത്തിന്റെ വികസനത്തിന് എൻ.ഡി.എ അധികാരത്തിലെത്തണമെന്നും രാജ്യം വികസന കുതിപ്പിലൂടെ കടന്നുപോകുമ്പോൾ കേരളത്തിൽ എൻ.ഡി.എയ്ക്ക് വലിയ പ്രാധാന്യമുണ്ടെന്നും സംഗീത വിശ്വനാഥൻ പറഞ്ഞു. ജില്ലാ പ്രസിഡന്റ് അഡ്വ. പ്രതീഷ് പ്രഭ അദ്ധ്യക്ഷനായി. ബി.ജെ.പി സൗത്ത് ജില്ലാ പ്രസിഡന്റ് വി.സി. വർഗീസ്, നിയോജക മണ്ഡലം പ്രസിഡന്റ് പ്രസാദ് വിലങ്ങുപാറ, സംസ്ഥാന കമ്മിറ്റിയംഗം മനീഷ് കുടിക്കയത്ത്, ജില്ലാ ജനറൽ സെക്രട്ടറി കെ.പി. ബിനീഷ്, വിനോദ് ഉത്തമൻ, റെജി കട്ടപ്പന, കെ. കുമാർ, രതീഷ് വരകുമല, ഷാജി നെല്ലിപ്പറമ്പിൽ, അഡ്വ. സുജിത് ശശി, പി.എൻ. പ്രസാദ്, സന്ദീപ് ഇ.യു, ബിനോഷ് ടി.കെ, ബിനു കുന്നേൽ, സിനീഷ് വിജയൻ, അഭിലാഷ് കാലാച്ചിറ, സിന്ധു കെ.എസ്, മഞ്ജുഷ അഭിലാഷ്, ജയ സുകു, അശോകൻ കാരുവേലിൽ, പി.സി. സുരേഷ്, തങ്കച്ചൻ പുരയിടം, മഞ്ജു സതീഷ് എന്നിവർ സംസാരിച്ചു. കട്ടപ്പന പുതിയ ബസ് സ്റ്റാൻഡിന് സമീപം കണ്ണങ്കരയിൽ ബിൽഡിംഗിലാണ് ഓഫീസ് തുറന്നത്.