കഞ്ഞിക്കുഴി:പഞ്ചായത്ത് കുടുംബശ്രീ സി.ഡി.എസ് കെട്ടിടത്തിന്റെ ശിലാസ്ഥാപനം മന്ത്രി റോഷി അഗസ്റ്റിൻ നിർവഹിച്ചു. 50 ലക്ഷം ചെലവിലാണ് കെട്ടിടം നിർമ്മിക്കുന്നത്.പഞ്ചായത്ത് ഹാളിൽ സംഘടിപ്പിച്ച യോഗത്തിൽ പഞ്ചായത്ത് പ്രസിഡന്റ് ജോർജ്ജ് ജോസഫ് അദ്ധ്യക്ഷത വഹിച്ചു. ജില്ലാ പഞ്ചായത്ത് പ്രസിഡന്റ് രാരിച്ചൻ നീറണാംകുന്നേൽ മുഖ്യപ്രഭാഷണം നടത്തി. പഞ്ചായത്ത് വൈസ് പ്രസിഡന്റ് രാജേശ്വരി രാജൻ, ത്രിതല പഞ്ചായത്തംഗങ്ങളായ ഉഷാ മോഹനനൻ, സിൽവി സോജൻ, അനിറ്റ് ജോഷി, പ്രദീപ് എം.എം, റ്റിൻസി തോമസ്,പഞ്ചായത്ത് സെക്രട്ടറി അതുല്യ വി കുമാർ, സി.ഡി.എസ് ചെയർപേഴ്സൺ ബിന്ദു സലീംകുമാർ, കുടുംബശ്രീ വൈസ്‌ ചെയർപേഴ്സൺ പുഷ്പ തോമസ്, മെമ്പർ സെക്രട്ടറി കെ.എ അനിൽ ജിത്ത് എന്നിവർ പങ്കെടുത്തു.