ഇടുക്കി: ഗാന്ധി ജയന്തിയോടനുബന്ധിച്ച് ജില്ലാ ഭരണകൂടവും ഇൻഫർമേഷൻ പബ്ലിക് റിലേഷൻസ് വകുപ്പും സംയുക്തമായി സ്‌കൂൾ വിദ്യാർഥികൾക്കായി സംഘടിപ്പിച്ച ഓൺലൈൻ ഗാന്ധിജി ക്വിസ് മൽസര വിജയികൾക്ക് ജില്ലാ കളക്ടർ ഡോ. ദിനേശൻ ചെറുവാട്ട് സമ്മാനവിതരണം നടത്തി. യു.പി, ഹൈസ്‌കൂൾ, ഹയർ സെക്കൻഡറി വിഭാഗങ്ങളിലായാണ് ഓൺലൈൻ ക്വിസ് സംഘടിപ്പിച്ചത്. ഹയർ സെക്കന്ററി വിഭാഗത്തിൽ നിന്നും വണ്ടിപ്പെരിയാർ പി.എച്ച്. എസ്. സ്‌കൂളിലെ മനീഷ എം., കഞ്ഞിക്കുഴി നങ്കിസിറ്റി എസ്.എൻ.എച്ച്.എസ്. സ്‌കൂളിലെ പൂജ ആർ. നായർ, മുതലക്കോടം സെന്റ്. ജോർജ് എച്ച്.എസ് സ്‌കൂളിലെ ഹെവൻഡ്രിയ ലിഖിയ സാന്റോ എന്നിവരാണ് വിജയികളായത്. ഹൈസ്‌കൂൾ വിഭാഗത്തിൽ കുമളി അട്ടപ്പള്ളം സെന്റ്. തോമസ് ഇ.എം.എച്ച്.എസ് സ്‌കൂളിലെ ജി. മഹാലക്ഷ്മി, വണ്ടിപ്പെരിയാർ പി.എച്ച്.എസ് സ്‌കൂളിലെ എം. മധുമിത, ഇരട്ടയാർ സെന്റ് തോമസ് എച്ച്.എസിലെ ബെനറ്റ് ബിജു എന്നിവരാണ് വിജയികളായത്. യു.പി സ്‌കൂൾ വിഭാഗത്തിൽ ഇരട്ടയാർ സെന്റ് തോമസ് എച്ച്. എസിലെ അഭിനവ് പ്രസാദ്, കഞ്ഞിക്കുഴി റോസ്‌ മെഡ് ഇന്റർ നാഷണൽ സ്‌കൂളിലെ ജിയാ ജോർജ്, വെള്ളയാംകുടി സെന്റ് ജെറോംസ് യു.പി സ്‌കൂളിലെ ജിയോണ ജെയിംസ് എന്നിവരാണ് വിജയികളായത്.