കട്ടപ്പന: ലൈസൻസ്ഡ് എൻജിനീയേഴ്സ് ആൻഡ് സൂപ്പർവൈസേഴ്സ് ഫെഡറേഷൻ(ലെൻസ്‌ഫെഡ്) കട്ടപ്പന ഏരിയാ സമ്മേളനം നഗരസഭാ ചെയർപേഴ്സൺ ബീനാ ടോമി യോഗം ഉദ്ഘാടനംചെയ്തു.ഏരിയ പ്രസിഡന്റ് സിറിൽ മാത്യു അദ്ധ്യക്ഷനായി. ജില്ലാ പ്രസിഡന്റ് പി .എൻ ശശികുമാർ, സെക്രട്ടറി സുബിൻ ബെന്നി, സംസ്ഥാന സമിതിയംഗം അഗസ്റ്റിൻ ജോസഫ്, ജില്ലാ വൈസ് പ്രസിഡന്റ് അലക്സാണ്ടർ കെ.ബിജു ജോസഫ്, സെക്രട്ടറി ബബിൻ ജെയിംസ്, ട്രഷറർ അരുൺ റാം, ബിനു ജോസഫ്, ജിമിൻ ജോസ് തുടങ്ങിയവർ സംസാരിച്ചു. ഭാരവാഹികളായി സിറിൽ മാത്യു(പ്രസിഡന്റ്), അരുൺ റാം(സെക്രട്ടറി), ബബിൻ ജെയിംസ്(ട്രഷറർ) എന്നിവരെ തെരഞ്ഞെടുത്തു. സമ്മേളനത്തോടനുബന്ധിച്ച് വിവിധ കമ്പനികളുടെ സ്റ്റാളുകളും ഒരുക്കിയിരുന്നു.