കുന്ദമംഗലം: കുന്ദമംഗലം ബ്ലോക്ക് പഞ്ചായത്ത് വാർഷിക പദ്ധതിയിൽ ഉൾപ്പെടുത്തി പൈങ്ങോട്ടുപുറത്ത് നിർമ്മിച്ച മൂലത്തോട് വയോജന പാർക്ക് ഉദ്ഘാടനം ബ്ലോക്ക് പഞ്ചായത്ത് പ്രസിഡന്റ് അരിയിൽ അലവി നിർവഹിച്ചു. ബ്ലോക്ക് പഞ്ചായത്ത് മെമ്പർ ബാബു നെല്ലൂളി അദ്ധ്യക്ഷത വഹിച്ചു. ജീവിത സാഹചര്യങ്ങളിൽ വീടുകളിൽ ഒറ്റപ്പെട്ടു കഴിയുന്ന മുതിർന്ന ആളുകൾക്ക് സായാഹ്നങ്ങളിൽ ഒത്തുകൂടുന്നതിനും സൗഹൃദങ്ങൾ പങ്കുവെക്കുന്നതിനും ബ്ലോക്ക് പഞ്ചായത്ത് വിഭാവനം ചെയ്ത പദ്ധതിയാണ് വയോജന പാർക്ക്. വി അനിൽ കുമാർ, എം ധനീഷ് ലാൽ, സമീറ അരീപ്പുറം, കെ. പി കോയ, മോഹനൻ തൂലിക, പി. സി സന്തോഷ്‌ കുമാർ, പി.പ്രസീത , കെ പി. അബ്ബാസ്,അശോകൻ നായർ, സുബൈദ എന്നിവർ പ്രസംഗിച്ചു.